– Men óz ákimshiligime Dúnıejúzilik densaýlyq saqtaý uıymyn qarjylandyrýdy toqtatýǵa nusqaý beremin. DDSU koronavırýstyń taralýyn baqylaýdaǵy jáne ony jasyrýdaǵy rólin saraptaý júrgizilip jatyr, – dedi Tramp Aq úıde ótken baspasóz máslıhatynda.

Tramptyń aıtýynsha shamamen 60-tan 90 kúnge deıin jalǵasatyn tekserýden keıin AQSH-tyń qarjylandyrýdy qalpyna keltiretini týraly sheshim qabyldanady.

Bul sheshimge qatysty túrli pikir aıtylýda. Solardyń biri Maıkrosofttyń negizin qalaýshy jáne fılantrop Bıll Geıts Tvıtterde «Osyndaı dúnıejúzilik densaýlyq daǵdarysy kezinde DDSU-ny qarjylandyrýdy toqtatý óte qaýipti" dep jazdy.

Ótken aptada Tramp DDSU-ny qarjylandyrýyn qaıta qaraıtynyn málimdegeni habarlanǵan bolatyn. Onda AQSH prezıdentiniń DDSU-ny nege aıyptaǵany, nege negizdelip qarjylandyrýdy qaıta qaraıtyny týraly aıtylǵan.