Qazaqstanda tótenshe jaǵdaı men karantın ýaqytynda tutynýshylardyń jekelegen sanattary úshin komýnaldyq qyzmetti tóleýdi qarastyratyn tetik ázirlendi. Bul týraly  Indýstrıa jáne ınfraqurylymdyq damý mınıstrliginiń baspasóz qyzmeti habarlady. 

Karantın engizilgen óńirlerde ákimdikter tutynýshylardyń derbes (abonenttik) shottaryna 2 aı boıy aı saıyn 15 myń teńgeden jiberip otyrady.   

Memlekettik organdardyń usynysy negizinde tólem alýshylardyń kelesi sanattary anyqtaldy:

• 1, 2, 3 top múgedekteri;
• múgedek balalardy tárbıelep otyrǵan otbasylar;
• kópbalaly otbasylar;
• Uly Otan soǵysynyń múgedekteri men qatysýshylary, Uly Otan soǵysy múgedekteri men qatysýshylaryna teńestirilgen tulǵalar;
• memlekettik nemese qoǵamdyq mindetterin, áskerı qyzmetin oryndaý barysynda, ǵarysh keńistigine ushýǵa daıyndyq barysynda nemese ushý kezinde, adam ómirin qutqarý jáne quqyq tártibin saqtaý kezinde qaza tapqan tulǵalardyń otbasylary;
• tómen jáne odan az zeınetaqy alatyn zeınetkerler;
• ataýly áleýmettik kómek alatyn azamattar, onyń ishinde jalǵyzbasty zeınetkerler.

Tólemdi alý úshin tutynýshy aqparattyq júıeler nemese call-ortalyq arqyly jeke sáıkestindirý nómirin, áleýmettik dárejesin jáne derbes shot derekterin kórsete otyryp, ákimdikke ótinim berýi kerek.

Ákimdik usynylǵan derekterdi tekseredi, málimetter ras bolǵan jaǵdaıda komýnaldyq qyzmetter tutynýshysynyń derbes (abonenttik) shotyna qarjy aýdarady.