Qazaqstan Respýblıkasy Úkimetiniń Qaýlysymen Kamaljan Talǵatuly Nadyrov basqa jumysqa aýysýyna baılanysty Densaýlyq saqtaý vıse-mınıstri qyzmetinen bosatyldy. Bul týraly primeminister.kz habarlady. 

K. Nadyrov 1983 jyly Almaty qalasynda dúnıege kelgen. S. J. Asfendıarov atyndaǵy Qazaq memlekettik medısına ýnıversıtetin, Turan ýnıversıtetin, Qoǵamdyq densaýlyq saqtaý joǵary mektebin támamdaǵan. Túrli jyldary Duke University, «The Fuqua School of Business» (AQSH), «Parkway College» (Sıngapýr), «Florence Nightingale» (Túrkıa) klınıkalar tobynan, «Oxford «Social Health Insurance system» (Germanıa) oqýdan ótken. 

2007-2014 jyldary B. O. Jarbosynov atyndaǵy Ýrologıa ǵylymı ortalyǵynda klınıka ordınatory, bólim meńgerýshisi, bas dırektordyń orynbasary qyzmetterin atqardy.

Densaýlyq saqtaý mınıstrliginiń qurylymynda 2014 jyldan bastap jumys isteıdi. Medısınalyq qyzmetterdi standarttaý departamenti dırektorynyń orynbasary qyzmetin atqardy.

2016-2017 jyldar aralyǵynda Respýblıkalyq dıagnostıkalyq ortalyqty basqardy — «University Medical Center» fılıalynyń dırektory boldy.

2017-2018 jyldary — Astana qalasynyń Densaýlyq saqtaý basqarmasynyń  basshysy.

2018 jylǵy naýryzdan 2019 jylǵy naýryzǵa deıin Astana qalasy Qoǵamdyq densaýlyq saqtaý basqarmasynyń basshysy qyzmetin atqardy.

2019 jylǵy naýryzdan bastap qazirgi tańǵa deıin QR densaýlyq saqtaý vıse-mınıstri laýazymyn atqardy.