Shyǵys Qazaqstan oblysynda aǵymdaǵy jyldyń 18 sáýirinen bastap koronavırýstyq ınfeksıanyń taralmaýynyń aldyn alý jáne aýyrǵan naýqastardyń sanyn azaıtý maqsatynda tótenshe jaǵdaı rejımi jarıalandy.

Alaıda, soǵan qaramastan shekteý sharalaryn saqtamaıtyn turǵyndar da bar.
Aǵymdaǵy jyldyń 20-22 sáýir aralyǵynda polısıa qyzmetkerleri reıd júrgizdi.

Nátıjesinde tártip saqshylary tótenshe jaǵdaı rejımin buzǵan 102 turǵyndy ákimshilik jaýapkershilikke tartty. Onyń ishinde 94-i ruqsatnama arqyly qala ishinde ary-beri qatynaý erejesin buzǵan. Al qalǵan 7-i epıdemıanyń aldyn alý jumystarynyń qaǵıdalaryn saqtamaǵan. Osylaısha, eki kúnniń ishinde 69 adamǵa eskertý jasalyp, 19 turǵynǵa aıyppul salynyp, 14 adam qamaýǵa alyndy.

Ákimshilik jaýapkershilikke tartylǵan turǵyndardyń isi Óskemen qalalyq mamandandyrylǵan ákimshilik sotyna joldandy.

Sot sheshimimen T. esimdi azamat mas kúıinde ruqsatnamasyz qala ishinde júrgeni úshin úsh kúnge qamaýǵa alyndy.

Eskerte keteıik, bul azamat buǵan deıin birneshe márte ákimshilik jaýapkershilikke tartylǵan. Alaıda oǵan osy keleńsiz jaıttar «sabaq» bolmasa kerek.

Sondaı-aq sot sheshimimen qala ishinde ruqsatnamasyz júrgeni B. esimdi azamat eki kúnge qamaýǵa alyndy.

Sottyń sheshimimen G. esimdi azamat taq kúnderi qala ishinde qatynaý úshin jasyl ruqsatnamany zańsyz paıdalanǵany úshin 10 AEK (27 780 teńge) kóleminde aıyppul tóledi.