56 jastaǵy aqtóbelik azamatsha karantın kezinde jelide jalǵan aqparat taratqany úshin ákimshilik jaýapkershilikke tartyldy. Bul týraly Polisia.kz habarlady. 

Polıseıler áleýmettik jelilerge monıtorıń júrgizý barysynda qoǵamdyq kólik tasymaldaýshy kompanıasy qyzmetkeriniń Whatsapp messendjerinde jalǵan aqparat taratqanyn anyqtaǵan. 

"Aýdıo jazbada 56 jastaǵy áıel Reseı Federasıasynyń shekarasynan Aqtóbege qoǵamdyq kólik avtobýstarymen 500 adamdy ákelgeni týraly, al búgin jańa top stýdentterin kútip jatqanyn jáne koronavırýs indetimen aýyratyndardyń sany statısıka boıynsha áldeqaıda kóp jáne aýrýhanada naýqastar tolyq dep aqparat taratqan. Alaıda, bul aqparat shyndyqqa sáıkes kelmeıdi" delingen departament taratqan habarlamada.

24 sáýir kúni azamatshaǵa Qazaqstan Respýblıkasynyń ákimshilik quqyq buzýshylyq týraly Kodekstiń 478-baby boıynsha ákimshilik hattama toltyryldy. Osylaısha qalanyń mamandandyrylǵan ákimshilik soty oǵan 40 AEK kóleminde  aıyppul tóleýdi talap etti.

Aqtóbe oblysynyń Polısıa departamenti azamattardan jalǵan aqparat taratpaýdy jane tek resmı derek kózderine senýdi suraıdy.