Italıa koronavırýstyń taralýyn azaıtý úshin jeti apta buryn qoıylǵan qatań shekteýlerdi jeńildetý josparlaryn málimdedi. Bul týraly Qamshy tilshisi BBC-ge silteme jasap habarlaıdy.

Italıa Premer-mınıstri Djýzeppe Konte 5 mamyrdan bastap shekteý sharalary jeńildeıtinin jarıalady. Endi ıtalıalyqtarǵa betperde kıip, týystaryna barýyna bolady.

Saıabaqtar qaıta ashylady, biraq mektepterde qyrkúıek aıyna deıin sabaq bastalmaıdy.

Shveısarıa men Ispanıa sıaqty basqa elder de sharalaryn jeńildetýde.

Italıada jeksenbide vırýstyń jańa 260 ólimi tirkeldi, bul 14 naýryzdan bergi eń tómengi kúndik kórsetkish. Qazir bul san 26 644-ke jetti, bul Eýropadaǵy eń joǵary ólim mólsheri.

Álemde aýrýdy baqylaıtyn Djon Hopkıns ýnıversıtetiniń málimetteri boıynsha, elde 197 675 vırýs juqtyrýshy tirkelgen.

Italıada naýryz aıynyń ortasynan bastap ólim-jitimniń eń tómengi deńgeıi tirkelgen bolatyn.