Pavlodarda jergilikti turǵyn kóp qabatty úıdiń balkonynda káýap pisirgeni úshin jaýapqa tartyldy. Bul týraly Polisia.kz habarlady.
Turǵyn bul áreketin telefonǵa túsirip, áleýmettik jelide jarıalaǵan. Polısıa ınspektorlary ol adamdy dereý anyqtady.
Ol Nazarbaev kóshesindegi kóp qabatty úıdiń turǵyny bolyp shyqty. Ol balkonda ot jaǵyp, káýap pisirý arqyly órt qaýipsizdigi erejelerin saqtamaǵan jáne basqa turǵyndardyń ómirine qaýip tóndirgen.
Tótenshe jaǵdaılar basqarmasynyń qyzmetkerleri pavlodarlyq turǵyndy ákimshilik quqyq buzýshylyq týraly Kodekstiń 410-baby (órt qaýipsizdigi talaptaryn buzǵany nemese saqtamaǵany úshin) boıynsha ákimshilik jaýapqa tartty.
Polısıa qyzmetkerleri turǵyndarǵa órt qaýipsizdigi týraly umytpaýdy jáne ózgelerge qaýip tóndirmeýdi eskertti.
Pikir qaldyrý