Semeı qalasy Qaraǵaıly turǵyn aýdanynda jalpy alańy 111,965 myń sharshy metrdi quraıtyn 20 kópqabatty turǵyn úı paıdalanýǵa engizilgen. Bul týraly brıfıń barysynda qalalyq qurylys bóliminiń basshysy Bolat Jaqaev baıandady.

– Qazirgi tańda 20 kópqabatty úı paıdalanýǵa berilgen. Jalpy alańy 95,883 myń sh. m. quraıtyn 18 jańa úıdiń qurylysy júrgizilýde. Jalpy alańy 171,600 myń sh. m. 43 turǵyn úıdiń jobalaq smetalyq qujattamasyn ázirleý boıynsha jumystar da júrgizilip jatyr. 320 oryndyq balabaqsha paıdalanýǵa berildi, 1200 oryndyq mektep pen 320 oryndyq balabaqsha qurylysyna jer telimderi bólindi. Búgingi kúni bir mektepke JSQ ázirlenýde, sonymen qatar osy shaǵyn aýdanda taǵy da bes mekteptiń qurylysy josparlanýda. Tótenshe jaǵdaı kezinde qurylys toqtaǵan joq, barlyq jumystardy jalǵastyramyz, – dedi Bolat Jaqaev.

Munda sondaı-aq uzyndyǵy 2,5 km Omsk-Maıqapshaǵaı (Pavlodar trassasy) jolyn qaıta jańartý josparlanyp, 6 kóshe jobalandy. Olardyń biri sporttyq-mádenı keshendi, saıabaq aımaǵyn, NZM men bilim jáne tehnologıalar transferti ortalyǵyn biriktiretin bolady. Ol Arbat jaıaý júrginshiler kóshesi, kónkımen syrǵanaý joly, eki hokeı alańy, sondaı-aq jasandy muz tóseletin jyl boıy paıdalanylatyn dopty hokeı, kerlıng oıyndary úshin úsh alań josparlanǵan. Trıbýnanyń syıymdylyǵy bir mezette 1000 kórermen úshin arnalǵan.

Bıyl «Qaraǵaıly» turǵyn aýdany naqtyly josparlaý jobasyn aýdannyń aýmaǵyn soltústik jaqqa 90,0 ga ulǵaıtýǵa túzetý boıynsha jumystar bastaldy, onda birinshi qabattarynda turǵyn emes jaılar, 80-nen astam kópqabatty turǵyn úılerdi, mektepterdi, órt sóndirý depo jáne áleýmettik nysandardy salý qarastyrylǵan.

«Qaraǵaıly» turǵyn aýdanynyń naqtyly josparlaý jobasy túzetilgennen keıin, aýmaqtyń jalpy kólemi – 293 ga quraıdy, turǵyndar sany – 32,6 myń adam, úılerdiń sany – 227, turǵyn úı qory 1188,5 myń sharshy metrdi quraıtyn bolady.

Semeı qalasynyń aqparattyq ortalyǵy