Soltústik Koreıa basshysy Kım Chen Ynnyń áınek tabytta jatqan sýreti áleýmettik jelide, ásirese, tvıtterde taralýda. Bul týraly Qamshy tilshisi brıtanıalyq Daily Express basylymyna silteme jasap habarlaıdy. Alaıda, bul sýrettegi adamnyń naqty Kım Chen Yn ekeni rastalmaǵan.

Aıta keteıik, buǵan deıin Soltústik Koreıa lıderiniń júrek otasynan kóz jumǵany jaıynda aqparat paıda boldy. Kóp uzamaı, onyń otbasylyq poıyzynyń spýtnıktik sýreti jarıalanyp, onyń tiri ekeni týraly Ońtústik Koreıa prezıdentiniń keńesshisi suqbat berdi. Soltústik Koreıa basylymdary Kım Chen Ynnyń qurylysshy jumyskerlerge alǵys hat joldaǵanyn jazdy. Al, eki kún buryn Qytaı medısınalyq tobynyń Soltústik Koreıa astanasy Phenánǵa jiberilgenin habarlaǵanbyz. Sonymen birge, Kım Chen Ynnyń ómirine úlken qaýip tónip turǵanyn, onyń ornyna qaryndasynyń kelýi múmkin ekenin jáne Soltústik Koreıa basshysynyń ólimi ıadrolyq soǵys qaýpin týdyratynyn jazǵanbyz.