Nur-Sultan – Almaty baǵytyndaǵy ushaq bıletiniń baǵasy bekitildi. Bul týraly QR Indýstrıa jáne ınfraqurylymdyq damý mınıstrliginiń Telegram paraqshasynda jarıalandy.

"Memleket basshysynyń tapsyrmasyna sáıkes tótenshe jaǵdaı rejımin qamtamasyz etý jónindegi memlekettik komısıa osy jyldyń 1 mamyrynan bastap kúnine 4 reıs jıiligimen Nur-Sultan jáne Almaty qalalary arasynda áýe reısterin ashý týraly sheshim qabyldady. Suranys joǵary baǵyt boıynsha ushýdyń bastalýy – salany qalpyna keltirýdiń alǵashqy qadamy bolmaq. Áýe reısteri QR DSM Kóliktegi bas sanıtar dáriger belgilegen sanıtarlyq qaýipsizdik talaptaryn saqtaý arqyly oryndalady. Qazaqstan áýe kompanıalary kúrdeli jaǵdaıdy túsine otyryp, bılet baǵasyn satyp alý kúni men ýaqytyna baılanysty 7-den 30 myń teńgege deıingi aralyqta belgiledi" delingen mınıstrlik taratqan habarlamada.

Mınıstrliktiń aıtýynsha aldaǵy ýaqytta, jaǵdaı jaqsarǵan kezde ishki reıster sanyn jáne áýe kemeleriniń syıymdylyǵyn arttyrý máselesi qarastyrylady.

Eske sala keteıik, Nur-Sultan men Almaty arasyndaǵy áýe reısteriniń kestesi jarıalandy.