Almatynyń № 2 perzenthanasynan koronavırýs ınfeksıasyn juqtyrǵan júkti áıel tirkeldi. Bul týraly qalalyq ákimdiktiń baspasóz qyzmeti habarlady.

"Perzenthanaǵa júktiliktiń 39-aptasyndaǵy kelinshek kelgen. Ol koronavırýs juqtyrǵan adammen baılanysta bolǵan. Ol bul aqparatty jasyryp qalǵan" delingen baspasóz taratqan habarlamada.

Qazir qyzmetkerler men pasıentter PTR-testileýden ótti. Olardy basqa medısınalyq mekemelerge aýystyrý nemese úı karantınine jiberý qarastyrylyp jatyr.

"№2 perzenthana ǵımaratynda zararsyzdandyrý sharalary jasaldy. Qazir mekemede pasıent qabyldaý toqtatyldy. Qyzmetkerler men pasıentter taǵy qosymsha testileýden ótedi. Vırýs juqtyrǵany rastalmasa, perzenthana shtattyq rejimde jumysyn jalǵastyrady" delingen habarlamada.