Tótenshe jaǵdaı rejıminiń engizilýine baılanysty tabysynan aıyrylǵan qazaqstandyqtarǵa 42 500 teńge mólsherindegi áleýmettik tólemniń ekinshi aıǵa qashan beriletindigi belgili boldy, dep habarlaıdy QazAqparat.

– Memlekettik áleýmettik saqtandyrý qorynan tólenetin ekinshi aıǵa arnalǵan áleýmettik tólem qazaqstandyqtardyń esepshotyna birinshi tólem túsken kúnnen keıin bir aıdan soń túsedi. Iaǵnı, 42 500 teńge tólemdi sáýir aıynyń 11-de alǵan azamattar mamyr aıynyń birinshi onkúndiginde ekinshi tólemge qol jetkizedi, – dep túsindirdi Agenttik tilshisine QR Eńbek jáne halyqty áleýmettik qorǵaý mınıstrliginiń baspasóz qyzmetindegiler.

Tótenshe jaǵdaıdyń alǵashqy aıy úshin tólemdi alǵandar qaıtadan ótinim bildirmeıdi. Olarǵa 42500 teńge avtomatty túrde túsedi. Ol úshin alǵashqy tólemge ótinim 15 sáýirge deıin jiberilgen bolýy kerek.

Sońǵy derek boıynsha 42500 teńge mólsherindegi áleýmettik tólem 4 mln 251 myń adamǵa taǵaıyndalǵan. Onyń 3 mln 731 myńy alǵashqy aıda, 520 myńy ekinshi aıda taǵaıyndalǵan.