Nemis medısına qyzmetkerleri jalańash sýretterin jarıalap, pandemıa kezindegi aq halattylardyń jumys jaǵdaılary men qorǵanys quraldarynyń talapqa saı emestigine narazylyq bildirdi. Bul týraly Qamshy tilshisi CNN-ge silteme jasap habarlaıdy. 

Germanıanyń «Blanke Bedenken» saıtynda jalańash dárigerlerdiń sýretteri jarıalanǵan.

«Biz dárigerlermiz. Sizge qaýipsiz qyzmet kórsetý úshin bizge qorǵanys quraldary qajet. Bizge qorǵanys quraldary jetispese, bizdiń jaǵdaıymyz osyǵan uqsaıdy» deıdi uıymdastyrýshylar veb-saıttaǵy málimdemede.

«Biz barlyǵymyz qaýiptemiz. Medısına saıasattyń qosymsha qoldaýyna muqtaj» dep tolyqtyrdy Blanke Bedenken toby.

Álemniń kóptegen elderinde koronavırýspen kúresýdiń aldyńǵy shebinde medısına qyzmetkerleri jeke qorǵanys quraldarynyń (JQQ) jetispeýshiligi týraly dabyl qaǵýda.