Almatyda COVID-19 vırýsyn juqtyrýdyń jańadan 28 jaǵdaı anyqtaldy, onyń barlyǵy vırýs juqtyrǵan naýqaspen baılanysta bolǵandar, karantınde provızorlyq gospıtáldarda emdelip jatqan adamdar. Bul týraly ákimdikti baspasóz qyzmeti habarlady. 

Búgingi kúni koronavırýstyq ınfeksıadan saýyǵyp, taǵy 6 adam emdeýden shyǵaryldy. Onyń ishinde eki er adam jáne tórt áıel kisi bar. Medısına qyzmetkerleri arasynan bir er adam jáne úsh áıel bar. Besinshi pasıent Ystambýldan ushyp kelgen, altynshy adam Mınskiden ushyp kelgen. Buǵan deıin ushyp kelgen eki pasıent provızorlyq stasıonarda bolǵan.

Úsh pasıentte emdeý kezinde jaǵdaıy polısegmentarly eki jaqty pnevmonıasynyń bolýyna baılanysty, aýyrlyqtyń ortasha dárejesi, qalǵandarynda sımptomsyz tasymaldaýshylyq retinde baǵalandy.

Búgingi tańda megapolıste emdelip jazylǵandardyń sany 96 adamdy quraıdy.

Juqpaly aýrýlar stasıonarlarynda koronavırýstyq ınfeksıadan emdeýde Almaty oblysynan pasıentti esepke alǵanda, 739 adam bar.

Naýqastardyń jaı-kúıleri bir adamda – asa aýyr, 33 adamda – aýyr, 195 adamda – ortasha aýyrlyq dárejesinde, qalǵandarynda – qanaǵattanarlyq.