QR Prezıdenti janyndaǵy TJ rejımin qamtamasyz etý jónindegi memlekettik komısıa Almatyda İİ kezeń aıasynda Ekonomıka kásiporyndaryn iske qosýdy maquldady. Bul týraly ákimdiktiń baspasóz qyzmeti málimdedi.

Osylaısha, qalada 27 sáýirden bastap kólik jáne qoımalaý, aqparattyq-kommýnıkasıalyq tehnologıalar salalary kásiporyndarynyń, sondaı-aq qala ekonomıkasynyń basqa salalaryndaǵy uıymdardyń jumysy tolyq jańartylady.

Máselen, ishinara shekteýler alynyp tastalady jáne qarjy sektorynan – kompanıa qyzmetkerleriniń jalpy sanynyń 50%-na deıin jumysqa shyǵa alady. Bul ekinshi deńgeıdegi bankter, mıkroqarjy uıymdary, saqtandyrý kompanıalary, brokerler, sondaı-aq lombardtar-bul rette, kásiporyndar klıentterdiń qabyldanýynsyz ýákiletti organda eseptik tirkeýden ótýge baılanysty qyzmet bóliginde ǵana. Aıyrbastaý pýnktteriniń jumysy boıynsha shekteýler áli alynbaǵan.

Bul konsaltıńtik, aýdıtorlyq, býhgalterlik, zańgerlik jáne rekrýtıngtik qyzmetter.

Qyzmet etýine ruqsat etilgen atalǵan salalardyń barlyq kásiporyndaryna sanıtarlyq-epıdemıologıalyq talaptardy mindetti saqtaý talaptary qoıylatyn bolady. Kezdeısoq tekseris barysynda talaptartardyń oryndalmaǵany anyqtalsa, ákimshilik sharalar qoldanylady, tipti nysandardyń jabylýy da múmkin. Sáıkes salalar boıynsha uıymdar qyzmetiniń jańartylýy jáne olardyń qyzmetkerleriniń qalada júrip-turýyna ruqsat alý infoalmaty.kz. bazasyna málimetterdi engizgennen keıin múmkin bolady.

Ótinishterdi qabyldaý 27sáýiri saǵat 20.00-den bastap iske qosyldy. Aǵymdaǵy jyldyń 27 sáýiri saǵat 23.59 deıin berilgen ótinishter 28 sáýiri saǵat 09.00-ge deıin Almaty boıynsha Polısıa departamentiniń málimetter bazasyna engiziledi. Eger ótinishter 27 sáýirge deıin berilmegen jaǵdaıda ony kez kelgen basqa bir kúni saıtta toltyrýǵa bolady.Bul jaǵdaıda ótinishter berilgen kúnnen keıingi kelesi kúni qaralady.

Qyzmet kórsetý salasynda, kásiporyndardy iske qosýdyń ekinshi kezeńi aıasynda TJO, shınomontaj, kólik jýý, sondaı-aq avtosalondardyń jumysy da jańartylýda, biraq tek qana tutynýshylarǵa kólik satpaı tehnıkalyq qyzmet kórsetýge ruqsat etilgen. Alaıda avtosalondar men kólik jýý oryndary kelýshilerdi aldyn ala jazylý arqyly qabyldaıdy.

Budan basqa, qalada uıymdastyrý tehnıkasyn jóndeý kásiporyndary, jarnama agenttikteri, dúkender, onyń ishinde servıstik ortalyqtar, aýyl sharýashylyǵy tehnıkasy men olarǵa arnalǵan qosalqy bólshekterdi satatyn, sondaı-aq taǵamdyq emes taýarlardy úıge jetkizýdi júzege asyratyn kompanıalar qaıta jumys isteı bastaıdy.

Óz kezeginde bul salalardyń iske qosylýy (TQKO, dóńgelek jóndeý, avtokólik jýý oryndary, avtosalondar, uıymdastyrýshy jáne turmystyq tehnıkalardy jóndeý kásiporyndary, jarnama agenttikteri, dúkender, sonymen birge, aýylsharýashylyǵy tehnıkasy men qosalqy bólshekter satatyn qyzmettik ortalyqtar, taǵamdyq emes taýarlardy úıge jetkizýmen aınalysatyn kompanıalar) jumys komısıasy júrgizgen aýdıttiń Almaty qalasynyń bas sanıtar dárigerdiń buıryǵymen bekitilgen barlyq talaptaryna sáıkes bolǵan jaǵdaıda ǵana múmkin bolady. Árbir nysan boıynsha sheshimdi jumys toby jeke tártip boıynsha qabyldaıdy. Talaptar oryndalmaǵan jaǵdaıda nysandardyń jabylýyna deıin ákelip soǵatyn ákimshilik sharalar qoldanylady.

Kásiporyndardyń jumysyn jandandyrý jáne aýdıt júrgizý máseleleri boıynsha "jedel" jeliniń telefondaryna habarlasýlaryńyzdy suraımyz: 8 775-882-52-00, 8 775-882-53-92.

Belgili bolǵandaı, qalanyń ónerkásip jáne qurylys salasyndaǵy kásiporyndaryn kezeń-kezeńmen iske qosý Memlekettik komısıanyń sheshimi aıasynda aýdıt júrgizilgennen keıin 20 sáýirden bastap júrgiziledi. Búgingi tańda 394 ónerkásip jáne qurylys kásiporyndaryna, sondaı-aq jobalaý uıymdaryna aýdıt júrgizildi. Olardyń 306-sy maquldanyp, óz jumysyn qaıta bastady. Bul ónerkásiptik, qurylys jáne jobalaý kompanıalary. Qalǵan 88 uıym jumys komısıasynyń eskertýlerin joıady.

Nátıjesinde, jalpy osy sektorlarda notarıattyq agenttikter men HQKO qyzmetkerlerin qosa alǵanda, 39,1 myńǵa jýyq adam jumysqa shyqty.

Jalpy, Almatyda birinshi jáne ekinshi kezeń sheńberinde jumyspen qamtylǵandar sany 142,2 myń adamdy quraıdy.