Almatyda baqylaý-ótkizý pýnktinde polısıa qyzmetkerin qaǵyp ketti. Bul týraly Qamshy.kz aqparat agenttigi  Polisia.kz deregin negizge alyp habarlaıdy.

"Oqıǵa 30 sáýirde Almaty qalasynyń Medeý aýdanynda bolǵan. "BMW" markaly kóliktiń júrgizýshisi Talǵar tas jolymen batys baǵytta kele jatyp, №13 baqylaý-ótkizý pýnktinde qyzmet etip turǵan polısıa qyzmetkerin soqqan" delingen departament taratqan habarlamada.

Polısıa qyzmetkeri jaraqat almaǵan. Kólik júrgizýshisi 1943 jyly týǵan A. esimdi er adam. Oqıǵa bolǵan jerde jergilikti polısıa qyzmeti basqarmasynyń qyzmetkerleri QR Ákimshilik quqyq buzýshylyq kodeksiniń 610-babyna sáıkes ákimshilik hattama toltyrdy.

Soqtyǵysý faktisin tergeýdi Medeý aýdanynyń polısıa basqarmasy (PB) ákimshilik-tájirıbelik bólimi júrgizedi.