Almatyda «Sergek» júıesi men onyń bergen málimetterin qoldana otyryp, kóshelerdegi kólik keptelisiniń qorytyndysymen birge almatylyqtardyń ózin-ózi oqshaýlaý deńgeıi anyqtalýda. Bul týraly qala ákimdiginiń baspasóz qyzmeti habarlady.

2020 jyldyń 11 naýryzynan bastap Almaty joldaryndaǵy kólikter sany 80 paıyzǵa deıin azaıǵan bolatyn. Ol «Sergek» júıesindegi karantınge deıingi qalypty jumys kúni men tótenshe jaǵdaı engizilip, karantın bastalǵandaǵy qalalyq trafıktiń derekterin salystyrý arqyly anyqtalǵan.

Turaqtandyrylǵan «5» degen baǵa – qalada múldem mashına joq degendi bildiredi. Qalypty jumys kúni bal «0,5» -ke teń. «0» degen baǵa – kólik keptelisin bildiredi. Karantın kezinde qalalyq qyzmettik, polısıa, jedel járdem, azyq-túlik jetkizý jáne t.b. qyzmettik kólik qozǵalysyn esepke alsaq, eń joǵary bal «4,8»- ge jetýi múmkin. Keshendi sharalar men almatylyqtardyń jaýapkershiliginiń arqasynda qaladaǵy belsendilikti tómendetýge jáne azamattardyń óz-ózin oqshaýlaýyn 4,4 balǵa deıin arttyrý múmkin boldy.

Ózin-ózi oqshaýlaý deńgeıi – bul «Sergek» jáne «Iandeks» qyzmetteriniń derekteri boıynsha eseptelgen kórsetkish.