Soltústik Koreıanyń defektory Kım Chen Ynnyń ólgeni qashan jarıalanatynyn aıtty. Onyń sózinshe, Kımniń qaryndasy bılikke keledi. Bul týraly Qamshy tilshisi brıtanıalyq The Mirror basylymyna silteme jasap habarlaıdy.

Soltústik Koreıadan qashyp shyqqan zań shyǵarýshy Djı Song Honyń aıtýynsha, Kım Chen Yn bir apta buryn kóz jumǵan. Onyń sózinshe, Phenán osy aptanyń sońynda dıktatordyń ólgenin jarıalaıdy. 

Phenánnan qashyp, jaqynda Ońtústik Koreıada zań shyǵarýshy bolǵan ol Kım Chen Ynnyń ólgenine "99%" senimdi ekenin aıtady.

Djı Song Ho aldyńǵy aptada Phenán dıktatorynyń  kóz jumǵanyn jáne onyń murageri retinde Kımniń qaryndasy Kım Ó Chjon tańdalǵanyn aıtty.

"Kım Chen Yn qaza tapty", "vegetatıvti kúıde boldy" nemese "júrekke jasalǵan otadan keıin qalpyna keldi" degen rastalmaǵan túrli málimdemeler tarap jatqan kezde, zań shyǵarýshyǵa "Kım Chen Yn ótken aptada júrek-qan tamyrlary otasynan keıin óldi" degen habar kelgen.

Onyń aıtýynsha, Soltústik Koreıa óziniń kóshbasshysynyń kóz jumǵanyn rastaýdy jáne aza tutý merzimin jarıalaýdy keshiktirgen sebebi bar: "Olar kúrdeli muragerlik máselesimen kúresýde" dedi Djı Song Ho.