Almaty qalasy ákimdiginiń baspasóz ortalyǵynda shahar basshysynyń birinshi orynbasary Erlan Qojaǵapanov onlaın brıfıń ótkizdi. Brıfıń barysynda Erlan Toqtarhanuly Almaty qalasynyń turǵyndary úshin eń ózekti bolyp tabylatyn máselelerge toqtaldy.

Sonyń biri karantın jaǵdaıyndaǵy kósheler, aýlalar men turǵyn úılerdiń kireberisteri nendeı suıyqtyqpen zalalsyzdandyrylady? Adam aǵzasyna zıandy emes pe? Qustar men ıtter nege ólip jatyr? degen saýaldar.

Qala ákiminiń birinshi orynbasary ol úshin Abekterıl, Rýbın, natrıı hlorıdi sıaqty dezınfeksıalyq ertindilerdiń paıdalanylatynyn aıtty. Mamandardyń aıtýynsha, jan- janýarlarǵa mundaı dezınfeksıalyq zattardan ýlaný qaýpi tónip turǵan joq.

– Dezınfeksıa jumystaryna 1,0 paıyzdyq hlorly eritindi paıdalanylady. Qalalyq veterıanarlyq qyzmeti KMK qyzmetkerleri qustarǵa qaýip keltiretin aýrýlar bolmaý úshin zerthanalyq zertteýler jasalyp, potologıalyq materıaldarǵa irikteý júrgizgen edi. Nátıjesinde qustardyń burynǵy muz aıdyny ornalasqan 100 sharshy metr alańqaıdan tabylǵany belgili boldy. Qustar muz aıdynynan erigen sýdy ishken. Al, ol sýdyń quramynda muzdyń uzaq saqtalýy úshin qoldanylatyn ýly zattar, ıaǵnı hlodagentterdiń bolǵany sebep bolyp otyr, – dedi E. Qojaǵapanov.