Almatyda 10 myńnan astam adam COVID-19 indetine tekserildi. Bul týraly  qalalyq Taýarlar men qyzmetter sapasyn jáne qaýipsizdigin baqylaý departamentiniń basshysy Aızat Moldaǵasymova málimdedi.

– Megapolıste 10 myńnan astam adam qaýipti indetke tekserildi. Sonyń ishinde 93 jaǵdaı rastaldy, – dep atap ótti spıker.

Aýyrǵandardyń basym bóligi myna reıstermen ushyp kelgen. Atap aıtqanda, Máskeý — 33%, Ystambul — 25%, Berlın — 16%, Sankt-Peterbýrg —13%, Mınsk — 13%.

– Jas shamasyna qaraı alatyn bolsaq, indet juqtyrǵandardyń kóbi 20-29 jastaǵylar. Ekinshi orynda 30-39 jas jáne úshinshi, tórtinshi orynda 40-49 jas jáne tıisinshe 50-59 jas ta bar. 60 jastan asqan, ıaǵnı osal toptaǵylardyń arasynda 7 jaǵdaı tirkeldi, – dedi A. Moldaǵasymova.

Brıfıńti qorytyndylaǵan qalanyń Bas sanıtarlyq dárigeri megapolıste testiler, reagentter, barlyq qajetti apparattar men tekserý júrgizetin quraldar jetkilikti mólsherde ekenin aıtty.