Almatyda aýyr halde bolǵan eki pasıenttiń jaı-kúıi jaqsardy. Bul týraly qala ákimdiginiń baspasóz qyzmeti habarlady.

Eki adamnyń biri 46 jastaǵy áıel adam 3 naýryzda «"SOVID-19" boıynsha rastalǵan jaǵdaı, aýrýhanadan tys 2 jaqty polısegmentarly pnevmonıa, tynys alý jetispeýshiligine baılanysty aýyr aǵymy» dıagnozymen kelip túsken.​

Az dene qımyl-qozǵalysy kezinde kúsheıetin, tynyshtyqta entigý shaǵymdary, qıyn bólinetin qaqyryǵy bar jótel, aıqyn jalpy álsizdik alańdatqan.

Ekinshi pasıent 1955 jyly týǵan. Sol sımptomdarmen.

Reanımasıa bólimshesinde ekeýine de koronovırýstyq ınfeksıany dıagnostıkalaý jáne emdeý hattamasyna sáıkes vırýsqa qarsy, bakterıaǵa qarsy terapıa júrgizildi.

Sonymen qatar, kelesi emdeý sharalary: Oksıgenoterapıa, ınvazıvti emes ÓJJ, keýde qýysynyń aparattyq vıbromassajy jáne t. b. júrgizildi.

«Emdelý kezinde ózderin jaqsy sezingenderi, entigý men álsizdikteri azaıýy sıaqty oń ózgeristermen pasıentter ádettegi bólimshege aýystyryldy», – dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.

Qazirgi ýaqytta ınfeksıalyq stasıonarda Almaty oblysynan kelgen pasıentti eskere otyryp, koronavırýsy bar 99 adam emdelip jatqandyǵyn esterińizge salamyz.

70 naýqastyń jaı-kúıi – qanaǵattanarlyq, jeti adamnyń jaı-kúıi – aýyr, 22 pasıentte (1 oblystyq) – aýyrlyqtyń ortasha dárejesinde.