Almaty qalasynda jańadan juqtyrǵan 8​ jaǵdaı anyqtaldy. Bul týraly ákimdiktiń baspasóz qyzmeti málimdedi.

Alty naýqas qalalyq balalar juqpaly aýrýlar aýrýhanasynyń, bireýi Ortalyq qalalyq klınıkalyq aýrýhananyń qyzmetkerleri. Sondaı-aq bireýi provızorlyq stasıonarda karantınde emdelip jatqan, buǵan deıin vırýs juqtyrǵan naýqaspen baılanysta bolǵan naýqas bar.

Jalpy ınfeksıalyq stasıonarlarda Almaty oblysynan bir áıel adamdy esepke alǵanda koronavırýstyq ınfeksıadan 427 adam emdelýde.

Úsh emdelýshiniń jaı-kúıi – óte aýyr, 6-ýy – aýyr, 121 adamda aýyrlyqtyń ortasha dárejesi, qalǵandarynyń densaýlyǵy qanaǵattanarlyq jaǵdaıda. Qaýipti indetten 84 naýqas emdelip shyqty.

Provızorlyq gospıtáldarda​ 278 adam, karantındik oqshaýlaýda​ – 431, úı karantıninde​ 9687 adam bar.