Qazirgi tańda Túrkistan oblysy Maqtaaral aýdanynyń 4 eldimekeni: Jańa-Turmys (46 úı), Jeńis (130 úı), Fırdoýsı (250 úı) jáne Órgebas (194 úı) sý astynda qalǵan. Jalpy qyzyl sýdan 620 úı japa shekken.

Turǵyndardy kóshirý úshin 22 evakýasıalyq oryn daıarlanǵan. Búgingi kúnge bul oryndarǵa ornalasqan adam sany 7000 -ǵa jýyq.

Evakýasıalyq bólimderde turǵyndardy 120 medısına qyzmetkerleri tekserýden ótkizýde. Polısıa qyzmetkerleri Jeńis, Jańa-Turmys, Fırdoýsı, Órgebas elimekenderine 5 blok-beket qoıyp, qaýipsizdikti qamtamasyz etýde.

Sonymen qatar, kórshiles Jetisaı aýdany, Qoǵaly eldimekeninde qaýipsizdikti kúsheıtý maqsatynda 5 tehnıka, 508 adam jumyldyrylǵan.

Jaǵdaı turaqty baqylaýda, barlyq qajetti kómek ýaqytyly kórsetilýde.