4 mamyrda "Jýrnalısıka jáne qoǵamdyq dıplomatıa: olar bir-birine qalaı qoldaý kórsete alady?" taqyrybynda onlaın kezdesý ótti. Qazaqstandaǵy AQSH elshiliginiń qoldaýymen uıymdastyrylǵan vebınarǵa qazaqstandyq stýdentter men jýrnalıser qatysty.

Kezdesýde AQSH-tyń Qazaqstandaǵy elshisi Ýılám Mozer jýrnalıserdi ótken Dúnıejúzilik baspasóz bostandyǵy kúnimen quttyqtap, BAQ-tyń qazirgi álemdegi róli týraly oıymen bólisti.

Jyl saıyn 3 mamyrda álem Dúnıejúzilik baspasóz bostandyǵy kúnin atap ótedi. Onyń maqsaty – baspasóz bostandyǵynyń negizin qalaýshy qaǵıdattardy eske alý, BAQ táýelsizdigine qolsuǵýshylyqtan qorǵaýǵa járdemdesý, álemdegi baspasóz bostandyǵynyń jaǵdaıyn baǵalaý.

Onlaın kezdesýdiń spıkerleri – elshiliktiń baspasóz hatshysy Shon Boda jáne BAQ máseleleri jónindegi keńesshi Qarlyǵash Jamanqulova boldy.

Vebınar aıasynda Shon Boda jýrnalıs táýelsizdigine nuqsan keltirip almaı, baspasóz qyzmeti ókilderimen qalaı baılanys ornatý keregin, sondaı-aq, AQSH elshiligindegi jýrnalıserdi qoldaý sharalary týraly aıtyp berdi.

"Qazaqstandaǵy AQSH elshiligi jýrnalıserdi jan-jaqty qoldaýǵa tyrysady. Meniń oıymsha, qoǵamdy damytýǵa kómektesetin ortaq qundylyqtardy bólisý asa mańyzdy", – dedi Shon Boda.

Aıta keteıik, kezdesýdi Qazaqstandaǵy AQSH elshiliginiń qoldaýymen Halyqaralyq aqparattyq tehnologıalar ýnıversıtetiniń Medıakommýnıkasıa kafedrasy uıymdastyrdy.