Kım Chen Yn jaqynda lentasyn qıǵan tyńaıtqysh shyǵaratyn zaýyt, shyn máninde ıadrolyq zymyrandar baǵdarlamasyna qatysy bolýy múmkin. Bul týraly Qamshy tilshisi Bloomberg basylymyna silteme jasap habarlaıdy. 

"Zaýyt ıadrolyq qarýlar jasaýǵa qajet ýran alý úshin qoldanylýy múmkin" dep habarlaıdy basylym.

– KHDR-ǵa tyńaıtqysh qajet jáne tyńaıtqysh shyǵarý prosesiniń ortasynda ýran alýǵa bolady, – dep jazdy Montereı Mıdberıdegi Halyqaralyq zertteýler ınstıtýtynyń qyzmetkeri Margaret Kroı.

Onyń zertteýlerinshe, zaýyt Soltústik Koreıanyń aýylsharýashylyq óndirisine kómektesedi jáne tyńaıtqyshta qoldanylatyn fosfor qyshqylynan ýran alýǵa da múmkindik beredi.

Keıbir baqylaýshylardyń oıynsha, bul – ındýstrıaldyq alań Phenánnyń ıadrolyq ambısıasyn álemnen jasyrýdyń eń jaqsy tásili.

– Bul tásil óz kezeginde Soltústik Koreıadaǵy ıadrolyq oqtumsyqtardyń sanyn boljaýǵa keri áser etedi, – dedi Margaret Kroı.