Túrkistan oblysynyń ákimi Ó. Shókeev baıandama jasady. 

Ózbekstannyń Syrdarıa oblysyndaǵy Sardoba sý qoımasy bógetiniń bir bóligi jarylyp, sý qoımasyndaǵy sý deńgeıin tómendetý úshin sýdy aǵyzý saldarynan Qazaqstannyń Túrkistan oblysy Maqtaaral aýdanynyń shekara mańyndaǵy kolektorlary sýǵa toltyryldy. Sýdyń aǵyp ketýiniń saldarynan Maqtaaral aýdanynyń shekarasyndaǵy kolektordan sý tógilip, 5 eldi mekendegi 631 úıdi sý basty: Jańa Turmys – 46 úı, Jeńis – 130 úı, Fırdoýsı – 250 úı, Órgebas – 194 úı, Dostyq – 11 úı. Maqtaaral aýdanynda 3 600 ga egis alqaby zardap shekti, onyń 85%-y maqta egýge arnalǵan. Sý tasqyny bastalǵannan beri jalpy sany 30 581 adamdy quraıtyn 14 eldi meken evakýasıalandy.

QR Premer-Mınıstriniń Ókimimen Premer-Mınıstrdiń orynbasary R. Sklárdiń tóraǵalyǵymen Úkimettik komısıa quryldy, oǵan ortalyq jáne jergilikti atqarýshy organdardyń basshylary kirdi. 

«Komısıa bes aýylda – Jańa turmys, Jeńis, Fırdoýsı, Órgebas, Dostyq aýyldaryna keltirilgen zalalǵa shuǵyl baǵalaý júrgizip, odan soń ınjenerlik, kólik, áleýmettik ınfraqurylym men turǵyn úıdi qalpyna keltirý jumystaryn bastaıdy. Úkimet zardap shekkenderge barlyq qajetti kómekti kórsetedi», – dedi A. Mamın.