Fransıada alǵash koronavırýs jeltoqsanda paıda bolǵan. Bul týraly Qamshy tilshisi BBC-ge silteme jasap habarlaıdy.

– 27 jeltoqsanda pnevmonıa dıagnozy qoıylǵan naýqasta is júzinde koronavırýs bolǵan, – deıdi fransýz dárigeri.

Doktor Iv Koen fransýz aqparat quraldaryna sol kezde alynǵan tampon jaqynda synalǵanyn jáne Covid-19 úshin oń nátıje bergenin aıtty.

Jeltoqsanda koronavırýs juqtyrdy delingen naýqas tolyqtaı saýyǵyp ketken. Alaıda vırýsty qaıda juqtyrǵanyn bilmeıtinin aıtqan. Onyń aıtýynsha, eshqandaı ınfeksıa aımaqtarynda bolmaǵan.

Bul jańalyq vırýstyń Fransıada jeltoqsanda paıda bolǵanyn bildiredi.

Osy ýaqytqa deıingi resmı málimet boıynsha, Fransıada koronavırýstyń alǵashqy úsh jaǵdaıy 24 qańtarda rastalǵan.

Naýqastardyń ekeýi Qytaıdaǵy Ýhan qalasynda bolǵan. Al úshinshisi – olardyń jaqyn týysqany.