Almaty. Qamshy portaly – Astana  kúnine tartý 75 nysan aksıasy aıasynda Qazyǵurt aýdanynda úsh bilim oshaǵy el ıgiligine berildi. Budan bólek bul kúni ákimdikke qarasty qurlymdyq mekemelerde ashyldy. Endi tıptik úlgidegi jańa ǵımarattar aýyldarǵa erekshe kórik beretin bolady. Altyntóbe aýyldyq okrýgine qarasty Qosaǵash eldi mekenindegi 328 oqýshy jańa oqý jylynda jańa mektepke baratyn boldy. 300 orynǵa laıyqtalyp salynǵan ǵımarttyń qurlysyna oblystyq búdjetten 470,2 mln. teńge qarjy jumsaldy. Al, qurylysy 2 jylǵa jýyq júrgizilgen. Sapasyna bes jylǵa kepildik bar. Sonymen qatar Turbat aýyldyq okrýgine qarasty Eńbek eldi mekeninde de 200 oqýshyǵa arnalǵan jańa mektep ashyldy.Sońǵy úlgide salynǵan bilim oshaǵynda fızıka, hımıa, eńbek synyptary tolyqtaı jańa úlgidegi tehnıkalyq jabdyqtarmen jaraqtalǵan. Iaǵnı shákirtterdiń tereń bilim alýyna barlyq múmkindik bar. Budan bólek Qarabaý aýyldyq okrýgine qarasty Úshbulaq eldi mekeninde 300 oryndyq bilim oshaǵy paıdalanýǵa berildi. Qulmat Ómirálıev esimin alǵan mektep tolyqtaı zamanaýı qural-jabdyqtarmen qamtylǵan. Aıta ketý kerek, bıyl aýdan da alty birdeı bilim oshaǵynyń qurylysy bastalmaq. Buıyrtsa, onyń barlyǵy kelesi jyly paıdalanýǵa beriledi dep kútilip otyr.

Derekkózi: shymkenttv.kz