Premer-mınıstr Asqar Mamın keıbir mamandyqqa kvota boıynsha túsken stýdentterdi oqý ornyn támámdaǵan soń aýyldyq jerde jumys isteýge mindetteıtin qaýlyǵa qol qoıdy.
Qaýly boıynsha «Mamandy jumysqa jiberý, óz betimen jumysqa ornalasý quqyǵyn berý, memlekettik bilim berý tapsyrysy negizinde bilim alǵan azamattardy jumysyn óteý jónindegi mindetinen bosatý nemese olardyń mindetin toqtatý qaǵıdalaryn bekitý jáne «Bilim berý grantyn berý erejesin bekitý týraly» Qazaqstan Respýblıkasy Úkimetiniń 2008 jylǵy 23 qańtardaǵy №58 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2012 jylǵy 30 naýryzdaǵy №390 qaýlysyna (Qazaqstan Respýblıkasynyń PÚAJ-y, 2012 j., № 40, 531-qujat) ózgerister engizildi.
3-tarmaqqa saı, pedagogtik, medısınalyq, veterınarıalyq jáne aýyl sharýashylyǵy mamandyqtary boıynsha kvotamen oqyǵan aýyl jastary joǵary oqý ornyn bitirgennen keıin keminde úsh jyl aýyldyq jerde jumys isteýge mindetteldi. Olar memlekettik bilim berý uıymdarynda, memlekettik medısına uıymdarynda, veterınarıa salasyndaǵy qyzmetti júzege asyratyn memlekettik organdar bólimshelerinde, memlekettik veterınarıa uıymdarynda jáne menshik nysanyna qaramastan, agrarlyq beıindegi uıymdarda jumysyn óteıdi.
Pikir qaldyrý