Almaty qalasy bas sanıtarlyq dárigeriniń kezekti brıfıńi ótti. Bul týraly qala ákimdiginiń baspasóz qyzmeti habarlady.

Almaty qalasynyń bas sanıtarlyq dárigeri J. Bekshınniń habarlaýynsha, osy jyldyń 30 sáýirindegi jaǵdaı boıynsha megapolıste koronavırýs ınfeksıasynyń 1028 jaǵdaıy tirkelgen. 100 myń turǵynǵa shaqqanda aýrý kórsetkishi 49,5 paıyzdy qurady. Segiz adam qaıtys bolǵan.

Al esep berý kezeńinde kún saıynǵy ósim 7% qurap otyr. Aýrý eresekter arasynda basym. Bul anyqtalǵan jaǵdaılardy jas sanattary boıynsha qarastyrsa, atap aıtqanda: 14 jasqa deıingi balalar – 37 (3,7%), 20-29 jastaǵylar – 340 (34,4%) jáne 60 jastan asqandar – 70 (7%).

Sondaı-aq, qalanyń Bas sanıtarlyq dárigeri dezınfeksıanyń úlken kólemi júrgizilip, odan ári kún saıyn 1300-ge jýyq úı mańyndaǵy aýmaq dezınfeksıalanatynyn atap ótti. Osy sharalardyń arqasynda ınfeksıanyń taralýy tejeledi, jalpy alǵanda qaladaǵy 8000-ǵa jýyq kireberisti zalalsyzdandyrý jalǵasýda. Mundaı jumys bizdiń azamattarymyzdyń syrqattanbaýy úshin júrgiziledi jáne bul ózin-ózi oqshaýlaý sıaqty basqalarmen birge aldyn alýdyń eń tıimdi joly bolyp tabylady.