Almaty qalasy ákimdiginiń baspasóz ortalyǵynda qalalyq Qoǵamdyq densaýlyq basqarmasy basshysynyń orynbasary Ásel Bısenbaeva BAQ ókilderine arnap onlaın brıfıń ótkizdi. Brıfıńte ol álemdi dúr silkindirgen indettiń bizdiń qalamyzdaǵy jaǵdaıyna toqtaldy.

Almatyda karantın bastalǵannan beri indetten kóz jumǵandar sany 2%-ǵa azaıdy. Ásel Bısenbaevanyń aıtýynsha, vedomstvo basshysynyń buıryǵymen ólim-jitimdi zertteý jónindegi komısıa quryldy. Komısıanyń negizgi mindeti – koronavırýstyq ınfeksıanyń adam ólimine sebep bolǵanyn anyqtaý.

Komısıanyń quramyna Qoǵamdyq densaýlyq basqarmasy, Taýarlar men qyzmetterdiń qaýipsizdigin baqylaý jáne sapany baqylaý departamentiniń ókilderi, medısınalyq jáne beıindi mamandar, medısınalyq uıymdardyń bas dárigerleri kirgen.

Resmı statısıkanyń málimetteri boıynsha, Almatyda koronavırýstyq ınfeksıamen kúreske baǵyttalǵan kúsheıtilgen is-sharalardyń júrgizilýi kezinde ólim-jitimniń ósimi bolmaǵan. Onyń ústine, kórsetkish 100 myń turǵynǵa shaqqanda birinshi toqsanda 6,6%-dy qurady. Bul kórsetkish ótken jylǵa qaraǵanda 2%-ǵa tómen.

– Qan aınalymy júıesi aýrýlarynan bolatyn ólim-jitim bizde 2%-ǵa, qaterli aýrýlar 5%-ǵa, jazataıym oqıǵalardan, qysym men jaraqattan bolǵan kórsetkish ótken jylmen salystyrǵanda 41,6%-dy (ótken jyly 43,8%) qurady, – dedi Ásel Bısenbaeva.