Almaty qalasy ákimdiginiń baspasóz ortalyǵynda qalanyń Bas memlekettik sanıtarlyq dárigeri Jandarbek Bekshınniń jáne qalalyq Qoǵamdyq densaýlyq basqarmasynyń basshysy Tileýhan Ábildaevtiń qatysýymen brıfıń ótti. Bul týraly qala ákimdiginiń baspasóz qyzmeti habarlady. 

Sáýir aıynda koronavırýstyq ınfeksıany juqtyrý deńgeıi táýligine 6%-dan aspaǵandyqtan, qala ekonomıkasyn kezeń-kezeńimen qalpyna keltirý strategıasyn iske asyrý bastaldy.

Almaty qalasynyń karantınnen qaýipsiz shyǵýyna jaǵdaı jasaý úshin sáýir aıynyń basynan bastap karantın jaǵdaıynda megapolıstiń ómir súrýin qamtamasyz etetin sanattaǵy halyqtyń táýekel toptaryn jappaı testileý bastaldy.

Búgingi kúni qaladaǵy sanıtarlyq-epıdemıologıalyq jaǵdaı turaqty. Almatyda barlyǵy 1353 koronavırýstyq ınfeksıany juqtyrǵandar tirkelgen. Onyń ishinde 92% qaýipti top ókilderi aýqymdy profılaktıkalyq testileý barysynda anyqtaldy.

Sońǵy 7 kúnde almatylyqtardyń juqtyrý dınamıkasy 6% deńgeıinde.

Aýyrǵandardyń naqty sany megapolıs turǵyndarynyń jalpy sanynyń 0,06% quraıdy.

Aýqymdy testileý ınfeksıanyń jasyryn oshaqtaryn anyqtaýǵa jáne barlyq qala boıynsha juqtyrýdyń jańa tizbegine jol bermeı, oshaqtardy der kezinde joıýǵa múmkindik beredi.

Almaty qalasynyń aldynda zertteýler sanyn kúnine 3 myń testke deıin jetkizý mindeti tur. Jalpy, búgingi kúni Almatyda qalanyń alty zerthanasy koronavırýsqa 2 myńnan astam test ótkizip jatyr. Jedeldik úshin 10 mobıldi medısınalyq brıgada jumys isteıdi. Nátıjelerdi rastaý jyldamdyǵy halyqty PTR dıagnostıkasymen qamtý arqyly 2,5 esege artty, belsendi anyqtaý jolǵa qoıyldy. Zerthanalar sanyn 6-dan 8-ge deıin ulǵaıtý, sondaı-aq olardyń qýatyn arttyrý múmkindigi qarastyrylýda.

Búgin Almatyda profılaktıkalyq skrınıng aıasynda eki ınfeksıa oshaǵy anyqtaldy. Dárigerler men quqyq qorǵaý organdary arasynda barlyq oshaqtar oqshaýlandy, kúsheıtilgen sanıtarlyq-epıdemıologıalyq sharalar qabyldandy.

– Statısıkanyń ósýinen qorqýdyń qajeti joq, ol turǵyndardyń úlken kontıngentin testileý boıynsha qarqyndy jumystyń kórsetkishi bolyp tabylady. Búgin Almatyda barlyǵy 77 myń test ótkizildi, onyń ishinde 55 myń PTR jáne 22 myń ekspress-test. Kontıngenttiń arasynda negizinen medısına qyzmetkerleri (19 myń), jedel járdem, quqyq qorǵaý organdary men t.b. qyzmetkerleri bar, – dep atap ótti J. Bekshın.

Óz kezeginde, Ábildaev Almatyda COVID-19-dan búgingi kúni ınfeksıalyq stasıonarlarda 1135 naýqas emdelip jatqanyn habarlady. Bir pasıenttiń jaǵdaıy óte aýyr, 34 – aýyr, 289 – aýyrlyǵy ortasha jáne qalǵandary – qanaǵattanarlyq. Aýrýhanaǵa jatqyzylǵandar sanynan aýyr naýqastar sany sońǵy ýaqytta kóbeıgen joq.

Medısınalyq baqylaýda 12 665 almatylyq, onyń ishinde 312 – provızorlyq stasıonarlarda, 345 – karantındik gospıtáldarda, 12 008 azamat – úı karantıninde.

Almatyda koronavırýstyq ınfeksıadan 210 adam saýyǵyp shyǵaryldy. Aǵymdaǵy jyldyń 4 jáne 5 mamyrynda stasıonarlardan 51 adam shyǵaryldy, onyń ishinde 28 baılanysta bolǵandardan jáne 23 medısına qyzmetkeri.

– Almatyda keńeıtilgen kontıngentti jappaı testileý aýrýdyń erte satysynda aıtarlyqtaı mólsherde juqtyrǵandardy anyqtaýǵa múmkindik berdi. Megapolıste COVID-19 der kezinde anyqtalýynyń dáleli naýqastardyń 77% qanaǵattanarlyq jaǵdaıda jáne olardyń aýrýy sımptomsyz jeńil túrde ótedi. Bul emdeýdi jeńildetedi, óıtkeni biz jaǵdaıdy shegine deıin jetkizbeımiz, – dedi T. Ábildaev.

Sondaı-aq medısına qyzmetkerleriniń qaýipsizdigin qamtamasyz etý sharalaryn kúsheıtý boıynsha jumystar júrgizilýde.

Barlyq qalalyq juqpaly jáne provızorlyq aýrýhanalarda bólmelerdi "taza" jáne ınfeksıalanǵan aımaqtarǵa bólý qaǵıdaty saqtalady. Medısına qyzmetkerlerin ártúrli aımaqtan qıyp ótýge jol berilmeıdi.

Sondaı-aq barlyq medısınalyq mekemelerde jeldetý jáne beınebaqylaý júıesi qadaǵalaýǵa alyndy. Jaýapty qyzmetkerler medısınalyq qyzmetkerlerdiń jeke qorǵaný quraldaryn durys kıý hattamasyn saqtaýyn qadaǵalaıdy. Jeke qorǵaný quraldaryn kıý algorıtmin saqtaý boıynsha turaqty sabaqtar ótkiziledi. Barlyq muqtaj naýqastar QR DSM emdeý hattamasyna sáıkes tolyq kólemde em alady.