Shetel basylymdary "1 mamyrda tyńaıtqysh shyǵaratyn zaýyttyń ashylý saltanaty kezinde kópshilik aldyna shyqqan adam Kım Chen Yn emes bolýy múmkin" degen boljam aıtýda. Bul týraly Qamshy tilshisi brıtanıalyq The Sun gazetine silteme jasap habarlaıdy.

Senbide soltústikkoreıalyq BAQ Kım Chen Ynnyń sýretteri men beınelerin jarıalady. Ol kezde "Kım Chen Yn óldi nemese aýyr halde jatyr" degen qaýeset taraǵan.

"Senbide jarıalanǵan  fotosýretter Kım Chen Ynnyń ornynda basqa bireý bolýy múmkin degen kúdikti týdyrdy" dep jazady The Sun. Basylymynyń aqparatynsha, burynǵy sýrettermen salystyrǵanda Soltústik Koreıa basshysynyń senbide jarıalanǵan sýretterindegi bet-álpet, shash syzyǵy men tisteriniń erekshelikterinde sáıkessizdik bar. 

Al, International Business Times (IBT) "Kımniń ózine uqsaıtyn adamdardy qoldanatyny belgili». 2017 jyly Soltústik Koreıa basshysy ózine óte uqsaıtyn adammen sóılesip turǵanyn kórsetken sýretter jarıalanǵan" dep jazdy.