Jambyl oblysy ákiminiń ókimimen Maılybaev Ǵanı Aıdaruly oblystyq týrızm basqarmasynyń basshysy bolyp taǵaıyndaldy, – dep habarlaıdy Qamshy.kz aqparat agenttigi Jambyl oblysy ákiminiń baspasóz qyzmetine silteme jasap.

Ǵanı Maılybaev 2004 jyly Abaı atyndaǵy Qazaq Ulttyq pedagogıkalyq ýnıversıtetin (bakalavr) qarjy mamandyǵy boıynsha, 2010 jyly osy ýnıversıtetti «Quqyq jáne ekonomıka negizderi» mamandyǵy boıynsha támamdaǵan. Reseı Federasıasynyń Prezıdenti janyndaǵy Reseı halyq sharýashylyǵy jáne memlekettik basqarý akademıasynyń «Aımaqtyq jáne mýnısıpaldy basqarý» mamandyǵy boıynsha túlegi.

Eńbek jolyn 2008 jyly «Nur Otan» partıasy Almaty qalasy Bostandyq aýdandyq fılıalynyń esep jáne statısıka sektorynyń meńgerýshisi, bas esepshisi bolyp bastaǵan.

2010 jyldan 2013 jylǵa deıin – «Nur Otan» partıasynyń Almaty qalasy Alataý aýdandyq fılıalynyń zańger-keńesshisi, 2013 jyldan 2014 jylǵa deıin – «Nur Otan» partıasynyń Almaty qalasy Alataý aýdandyq fılıalynyń keńesshisi, 2014 – 2015 jyldary – «Nur Otan» HDP Almaty qalasy Medeý aýdandyq fılıaly tóraǵasynyń birinshi orynbasary, 2015 – 2019 jyldary – Almaty qalasy Medeý aýdany ákiminiń orynbasary, 2019 jyldyń maýsymynan 2020 jyldyń sáýirine deıin – Almaty qalasy Naýryzbaı aýdany ákiminiń orynbasary qyzmetterin atqarǵan.