Úndistannyń ońtústiginde gazdan ýlanǵan júzdegen adam aýrýhanaǵa jetkizilip, kem degende 13 adam qaıtys bolǵan. Bul týraly Qamshy tilshisi BBC-ge silteme jasap habarlaıdy.

Andra Pradesh provınsıasynyń Vısakhapatnam qalasynda LG Polymers zaýytynan gaz aǵyp, adamdar ýlanǵan. Dárigerler «júzdegen adam» aýrýhanaǵa jetkizilgenin aıtady. Kóbisi kózderiniń kórý sezimi men tynys alýlarynyń qıyndaǵanyn aıtyp shaǵymdanǵan. BBC qazirge deıin kem degende 13 adamnyń qaza tapqanyn málimdedi.

Jergilikti ýaqyt boıynsha túngi 03:00 shamasynda oryn alǵan oqıǵa "abaısyzdyqtan bolýy múmkin" deıdi sheneýnikter.

24 naýryzdan bastap Úndistan koronavırýstyń taralýyn toqtatý úshin karantın jarıalaǵan. Gazdyń aǵyp ketýi zaýyt qaıtadan ashylǵan kezde oryn alǵan.

Memlekettik ındýstrıa mınıstri Goýtam Reddı BBC-ge "zaýyt qaıta ashylǵan kezde tıisti prosedýralar men nusqaýlar saqtalmaǵan tárizdi" degen.