BUU "koronavırýs kóptegen elderde asharshylyq týǵyzýy múmkin" dep málimdedi. Oǵan syrtqy qaryzy kóp, shıkizat eksportyna táýeldi jáne halyqaralyq ınvestorlar ketip jatqan "álsiz elder" kiredi. Bul týraly Qamshy tilshisi BBC-ge silteme jasap habarlaıdy. 

Birikken Ulttar Uıymynyń resmı ókili Mark Lokok "koronavırýs kóptegen elder men aımaqtarǵa ashtyq  ákelýi múmkin" dep eskertti.

BUU mıllıardtaǵan qarjylandyrýǵa júginetin Pákistan men Fılıppın sıaqty koronavırýs zardabyna daıyndyǵy álsiz elder tizimindegi alǵashqy toǵyz memleketti atady. BUU aqparatynsha, pandemıadan qorǵaný júıesi álsiz elderge asharshylyq qaýpi tónip tur.

– Koronavırýs daǵdarysy men asharshylyqtyń aldyn alýǵa kómek retinde "álsiz elder" mıllıardtaǵan dollar qarajat suraǵanyn habarlaǵan bolatynbyz, – dedi BUU ókili.

BUU aqparatynsha jalpy 50-den astam "osal el" tizimi bar.

Nege "osal elder" pandemıadan aýyr zardap shegedi?

BBC aqparatynsha oǵan úsh túrli sebep bar:

1. Shıkizat baǵasy

Kóptegen "osal elder" – shıkizat eksporterlar. Sondyqtan munaı baǵasynyń túsýi olarǵa aıtarlyqtaı áser etedi.

2. Investorlardyń ketýi

Halyqaralyq ınvestorlar damýshy elderden aqshalaryn alyp ketip jatyr. Bul – árıne bolashaq ınvestısıa kólemin azaıtady.

3. Syrtqy qaryz

Kóptegen kedeı elder baı elderge qaryz jáne bereshek AQSH dollarymen nemese eýromen alynǵan. Eger olardyń ulttyq valútalary qunsyzdansa, bul qaryzdardy óteý nemese olarǵa qyzmet kórsetý áldeqaıda qymbatqa túsedi.