QR Prezıdenti Qasym-Jomart Toqaevtyń buıryǵymen sý tasqynynan zardap shekken halyqqa jan-jaqty kómek kórsetilýde.

Sońǵy kúnderi Maqtaaral jáne Jetisaı aýdandarynyń eldi-mekenderi apat saldarynan naǵyz soǵys maıdanyna aınaldy.

 

Almaty qalasynyń ákimi, «Nur Otan» partıasynyń qalalyq fılıalynyń tóraǵasy Baqytjan Saǵyntaevtyń buıryǵymen sońǵy kúnderi biraz gýmanıtarlyq kómek jınaldy. Bul  bastamaǵa partıanyń depýtattyq fraksıa músheleri – depýtattar, qatardaǵy partıa músheleri qarjylaı qoldaý bildirip, kómektesip jatyr.

Elbasymyzdyń bastamasymen bastalǵan BizBirgemiz aksıasy aıasynda Almaty qalasy ákimdigi men partıanyń Almaty qalalyq fılıaly tarapynan Túrkistan oblysynda zardap shekken azamattarǵa 70 tonnadan astam gýmanıtarlyq kómek, sonyń ishinde kıim-keshek, tósek oryndar,  azyq-túlik, gıgıenalyq quraldar, un jáne t. b. zattar jóneltildi.

Sonymen qatar "Jas Otan" eriktileri evakýasıalaý pýnktteri men azyq-túlik, kıim-keshek, tósek oryndary, gıgıenalyq quraldaryn taratý jumystaryna qatysady.

Az ýaqyttyń ishinde kóptegen almatylyqtar, sonyń ishinde "Nur Otan" partıasynyń músheleri jáne beı-jaı qaramaıtyn turǵyndar shaqyrýǵa ún qatty.

Qaıyrymdyq qyzmet ashyqtyq, aıqyndyq pen esep berýdi talap etedi. Osy talaptardy basshylyqqa ala otyryp kómek kórsetken azamattar men mekemelerdiń tizimi daıyndaldy.

 

Atap aıtsaq «Jańa Alataý» qory, «Metall Prom», «Kazlegprom-Almaty» jaýapkershiligi shekteýli seriktestikteri, «Eır Astana» Aksıonerlik qoǵamy, kásipkerler, partıa múshesi Muhtar Zýleev, qalalyq máslıhat depýtaty Erbolat Qasymov jáne t. b bar.