Ardager Ivan Abdýlov soǵysqa qarshadaı bala kezinen qatynasqan.

Balalar úıinde tárbıelengen ol 11 jasynda ol jaqtan qashyp, maıdanǵa suranyp barǵan.

Jasóspirim Panfılov dıvızıasyna tap bolyp, áıgili Baýyrjan Momyshulymen birge eki frontta jaýmen soǵysqan. Máskeýdi qorǵaýda, Kýrsk doǵasy shaıqasynda Baýyrjan Momyshulymen birge urys dalasynda jaýǵa qarsy shapqan.

Artynsha 274-polkke aýystyrylyp, ol jerde soǵystyń sońyna deıin júrgen.

Maıdanda eki ret jaralanyp, bir ret kontýzıa alǵan.

Soǵystan keıin áskerı ýchılıshe men ulttyq qaýipsizdik komıteti joǵary mektebinde oqyǵan. Qyzmet baby boıynsha álemdi sharlap, túrli shıelenis núktelerinde bolǵan. Kýbaǵa joly túsip, Fıdel Kastromen jolyqqan.

Jastaıynan qan maıdandy kórip, qyzmet baby boıynsha jer jahandy aralaǵan ardagerdiń túıgeni kóp.

– qazaqstandyqtarǵa densaýlyq pen uzaq ǵumyr tileımin. Eń bastysy osy. Qalǵany retimen bolady, – deıdi Ivan Abdýlov.