1941 jyly keńes áskerine shaqyrylǵan soǵys ardageri Jumadil Abdygametov Qamshy tilshisine óziniń basynan ótken oqıǵasyn aıtyp berdi.

Jumadil Abdygametov 1923 jyly 10 mamyrda Almaty oblysy Balqash aýdany Topar aýylynda dúnıege kelgen.

– 1939 jyly Almatydaǵy balalar ınternatyn bitirip, 1941 jyly sovet áskerine shaqyryldym. Sodan onda bir jarym jyl áskerı daıyndyqtan ótip 1942 jyldyń aıaǵynda Birinshi Ýkraına frontyna qatystym sodan Bránskıı frontta barlaýshy bolyp soǵystym. Soǵysta bizdiń qazaqstandyqtardan 2-ese adam mert boldy. Sonyń bárin men "Batyr" dep esepteımin, – dedi Jumadil Abdygametov. 

Maıdanger 1943 jyly eki soldat bolyp 13 nemisti tutqynǵa túsirip "Za Otvagý" ordenimen marapattalady. Artynsha "Za Polshý", "Za Pragý", "Za Berlın" medaldarymen marapattalǵan. 1945 jyly soǵys bitken soń, taǵy eki jyl sovet áskerinde bolyp, 1947 jyly Ójet aýylyna oralyp, sovhozda jumys istep, otbasyn qurǵan.

Sóz sońynda ardager barsha qazaqstandyqtardy mereıtoımen quttyqtap, búgingi beıbit ómir maıdan shebinde Otan úshin keýdesin oqqa tosqan ardagerlerdiń arqasy ekenin atap ótti. 

– Beıbit ómirde tek jaqsylyq bolsyn. Barsha Uly Otan soǵysy ardagerlerin 75-jyldyq mereıtoımen kuttyqtaımyn. Bizdiń balalarymyz ósip-ónsin. Elimiz aman bolsyn, soǵys bolmasyn, kók aspanda kók týymyz jelbirep tura bersin!, – dep aq tilegin bildirdi.