Almatyda meıramǵa qaramastan, dezınfeksıa jumystary qarqyndy júrip jatyr. Osy kúni zalalsyzdandyrý jumysynyń 13-kezeńi aıaqtalýǵa jaqyn. Bul týraly qala ákimdiginiń baspasóz qyzmeti habarlady.

Búgin mamandar Qulager yqshamaýdanyndaǵy kópqabatty turǵyn úılerge dezınfeksıa jasady. Negizi Jetisý aýdanyn 6 bólikke bólip, bekitilgen keste boıynsha tazalanady. Meıram kúngi jumysqa 4 dezınfektor kiristi. Olar kúnine 2 myń 500 lıtr arnaıy qospany shashyp shyǵady. Al aptasyna 15 myń lıtr dárilik preparat jumsalady.

– Búgin men almatylyqtardy 9 mamyr – Jeńis kúni merekesimen quttyqtaımyn. Jeńis Meıramdarǵa qaramaı, biz zalalsyzdandyrý jumystaryn jalǵastyryp jatyrmyz. Búgingi Jetisý ákimdiginiń bergen kestesi boıynsha   Qulager aýdanyndaǵy  30 úıge dezınfeksıa jumystaryn júrgizemiz, – dedi Jetisý aýdany boıynsha dezınfeksıa jumysynyń brıgadıri Áset RAQYSHOV.

Aıta keteıik, kelesi aptada 14-kezeń bastalady. Qalada bas-aıaǵy dezınfeksıanyń 16 aınalymyn jasaý josparlanyp otyr. Almaty boıynsha 13- kezeńdi aıaqtaýǵa 64 brıgada jumyldyryldy. Nátıjesinde, 7268 podezd, 1345 aýla tazalandy. Bul jumysqa 74 myń lıtr arnaıy suıyqtyq jumsaldy.