Almaty qalasy ákimdigi janyndaǵy tótenshe jaǵdaı rejımin qamtamasyz etý jónindegi Jedel shtab megapolıs aýmaǵynda karantın rejıminiń saqtalatynyn habarlaıdy.

Bul rette karantın rejımi aıasyndaǵy shekteý sharalary, atap aıtqanda, aǵymdaǵy jyldyń 11 mamyrynan bastap Shtabtyń erekshe ókimine deıin jalǵasady.

Qalanyń perımetri boıynsha ornalasqan blok-beketterdiń jumysy burynǵy kúsheıtilgen rejımde jumys isteıdi. Qalada júrgende sanıtarlyq-epıdemıologıalyq qaýipsizdik normalary qatań saqtalýǵa tıis. Oǵan qosa Shtabtyń sheshimimen qalada jumysyna ruqsat etilgen kásiporyndar men mekemelerdiń qyzmetkerlerine ǵana júrip-turýǵa bolady.

Atap aıtqanda:

- memlekettik jáne quqyq qorǵaý organdary;
- komýnaldyq qyzmetter;
- ónerkásip;
- qurylys;
- jobalyq uıymdar;
- jyljymaıtyn múlik agenttikteri;
- HQKO (zańdy tulǵalarǵa qyzmet kórsetý úshin);
- notarıýstar;
- advokatýra;
- azyq-túlik dúkenderi men bazarlar;
- kafeler men meıramhanalar (ózimen alyp ketýge ǵana bolady);
- medısınalyq klınıkalar;
- stomatologıa;
- zerthanalar;
- dárihana;
- kólik jáne logıstıka;
- dıstrıbýsıa;
- JQS;
- onlaın jetkizý;
- Ekinshi deńgeıdegi bankter jáne basqa da qarjy uıymdary (50%-ǵa deıin);
- saqtandyrý;
- lombardtar;
- bızneske arnalǵan kásibı qyzmetter (konsaltıń, aýdıt jáne býhgalterlik qyzmetter);
- aqparattyq-kommýnıkasıalyq tehnologıalar;
- azyq-túlik emes dúkender, jalpy aýdany 500 m2 deıin;
- TQS, kólik jýý jáne shınomontajdaý;
- shashtaraz;
- fotosalondar;
- gúl pavılondary;
- hımıalyq tazartý (kir jýý oryndary);
- tehnıka jáne aıaq kıim jóndeý oryndary;
- baspa úıleri;
- aıyrbastaý pýnktteri;
- veterınarlyq qyzmetter.

Qoǵamdyq kóliktiń jumys tártibi ózgerissiz qalady (saǵat 06.00-den 19.00-ge deıin).

Osyǵan baılanysty azamattarǵa karantın men sanıtarlyq-epıdemıologıalyq normalardy qatań saqtaý kerektigin eskertemiz. Karantındi buzý (qyzmetti ruqsatsyz júzege asyrý, onyń ishinde jumysqa shyǵý) Qazaqstan Respýblıkasynyń zańnamasynda kózdelgen derbes jáne qylmystyq jaýapkershilikke ákep soǵady.