Almatyda tótenshe jaǵdaı aıaqtaldy. Degenmen karantın rejımi  áli jalǵasady. Bul sheshimdi qala ákimdigi janynan tótenshe jaǵdaı rejımin qamtamasyz etý jónindegi jedel shtab qabyldady.

Sondaı-aq qalanyń perımetri boıynsha ornalasqan blok-beketterdiń jumysy burynǵy kúsheıtilgen rejımde jumys isteıdi. 

"Qalada júrgende sanıtarlyq-epıdemıologıalyq qaýipsizdik normalary qatań saqtalýy tıis. Oǵan qosa shtabtyń sheshimimen qalada jumys isteýge ruqsat etilgen kásiporyndar men mekemelerdiń qyzmetkerlerine ǵana júrip-turýǵa bolady. Qala turǵyndary karantın men sanıtarlyq-epıdemıologıalyq normalardy qatań saqtaý kerek. Karantın rejımin buzý (qyzmetti ruqsatsyz júzege asyrý, onyń ishinde jumysqa shyǵý) Qazaqstan Respýblıkasynyń zańnamasynda kózdelgen derbes jáne qylmystyq jaýapkershilikke ákep soǵady", - delingen habarlamada. 

Karantın jaǵdaıynda kimderge jumys isteýge ruqsat berilgen?

• memlekettik jáne quqyq qorǵaý organdary;

• komýnaldyq qyzmetter;

• ónerkásip;

• qurylys;

• jobalyq uıymdar;

• jyljymaıtyn múlik agenttikteri;

• HQKO (zańdy tulǵalarǵa qyzmet kórsetý úshin);

• notarıýstar;

• advokatýra;

• azyq-túlik dúkenderi men bazarlar;

• kafeler men meıramhanalar (ózimen alyp ketýge ǵana bolady);

• medısınalyq klınıkalar;

• stomatologıa;

• zerthanalar;

• dárihana;

• kólik jáne logıstıka;

• dıstrıbýsıa;

• JQS;

• onlaın jetkizý;

• Ekinshi deńgeıli bankter jáne basqa da qarjy uıymdary (50%-ke deıin);

• saqtandyrý;

• lombardtar;

• bızneske arnalǵan kásibı qyzmetter (konsaltıń, aýdıt jáne býhgalterlik qyzmetter);

• aqparattyq-kommýnıkasıalyq tehnologıalar;

• azyq-túlik emes dúkender, jalpy aýdany 500 m2 deıin;

• TQS, kólik jýý jáne shınomontajdaý;

• shashtaraz;

• fotosalondar;

• gúl pavılondary;

• hımıalyq tazartý (kir jýý oryndary);

• tehnıka jáne aıaq kıim jóndeý oryndary;

• baspa úıleri;

• aıyrbastaý pýnktteri;

• veterınarlyq qyzmetter.

Sonymen qatar qaladaǵy qoǵamdyq kóliktiń jumys tártibi ózgerissiz qalady (saǵat 06.00-den 19.00-ge deıin).