Tarazda 97 jastaǵy Uly Otan soǵysynyń ardageri soǵystan taýyp alǵan balasyn izdeıdi. Bul týraly almaty.tv habarlady.

100-ge jaqyndaǵan shaǵynda, qarıa  urys alańynda qutqarǵan sábıdi bir kórsem degen armany baryn aıtqan. Bir qyzyǵy soldat beıtanys sábıge, óz tegin berip atyn qoıǵan eken. Jalpy Jambylda bıyl sanaýly qalǵan batyrlarǵa qandaı qurmet kórsetilip jatyr?

Soǵys alańynda jas sábıdi qutqarǵan jaýyngerdiń esimi  –  Mahmut Bısimbaev. Uly Otan soǵysynyń ardageri 1941 jyly jaý áskeri  Stalıngrad túbin bombalaǵan kezde, beıkúná balany taýyp alǵanyn aıtady. Anasy qaza bolǵan balany baýyryna basyp qutqarǵan qarıa, keıin sanıtarlyq batalónǵa tapsyrǵan.

– 8-9 aıǵa kelip qalǵan bala, bári qan. Qasyna baryp qarasam, anasy jatyr eken.... (Únsiz qolymen basynyń ortadan bólinip ketkenin kórsetedi) Sóıtip balany shomyldyrdym, shomyldyryp kıimin kıgizdim. Qalaı tastaımyn? Alyp shyqtym kóterip. Túgel soldattyń bári jınalyp qalypty. Bári kúlip jatyr, Tyǵylam dep otyryp bala taýyp aldy dep! Sóıtip tapsyrdym, Bısimbaev Baqyt dep at qoıyp  kettim...,  – dedi Uly otan soǵysynyń ardageri Mahmut BISİMBAEV.

1941 jyldan bastap 53-jylǵa deıin, soǵysqa, odan soń soǵys saldaryn joıýǵa qatysqan jaýynger, 12 jyl degende otanǵa oralǵan. Biraq surastyrǵan baladan habar oshar joq. Endigi el tynyshtyǵyn tilegen qarıanyń bir tilegi sol sábımen kóz tirisinde kórisý.

Taraz jastary bul jyly ardagerlerdi erekshe quttyqtaýǵa tyrysty. Uıymdastyrýshylar, uly jeńistiń 75 jyldyǵy qarsańynda kópqabatty úıde turatyn batyrlardy kóterme kran arqyly qýantty. Alańda arnaıy orkestr oınaldy, gúl shoqtary tóbege kóterile tabystaldy.

Ardagerlerdi quttyqtaý sharasy munymen bitpeıdi. Búginde óńirde  turatyn 57 Uly Otan soǵysy ardageriniń ár qaısysyna 1 mıllıon teńgeden áleýmettik kómek kórsetildi.

Sondaı-aq, olarǵa Memleket basshysynyń atynan medaldar, alǵys hattar men azyq-túlik sebetteri berildi. Ony oblys ákimi men jergilikti bılik úlestirdi. Jalpy, jeńisti týyn kótergen batyrlarymyzǵa kórsetilgen kez kelgen qurmet eshqashan artyq etpeıdi.