Almatydaǵy barlyq meshit jınalyp maqtaaraldyqtarǵa qajetti zattar tıelgen 15 tonna gýmanıtarlyq kómek joldady. Bul týraly almaty.tv habarlady.

Jiberilgen júktiń ishinde azyq-túlik ónimderi, kórpe-jastyq, kıim-keshek bar. Imamdar qaıyrymdy is jasaýǵa meshitke kelgen jany jomart jamaǵat, eriktiler men kásipkerler kómek kórsetti dep otyr. Sózderinshe, zattar eski emes, jańa. Ákelgen taýardyń jalpy quny 6 mıllıon teńge turady. Kómek kópke az bolsa, keıinirek taǵy ıgi isti qolǵa alýǵa nıetti.

– Biz Maqtaraldaǵy jaǵdaı birqalypqa kelgenshe, jamaǵatty, Almaty qalasynyń turǵyndaryn, atap aıtqanda, meshitke kelip júretin turǵyndaryn uıymdastyrýdy jalǵastyramyz. Biz toqtamaımyz, – dedi Almaty qalasy Ortalyq meshittiń bas ımamy Erkinbek SHOQAI.

Odan bólek, Almaty meshitteri maqtaaraldyqtarǵa qarjylaı qoldaý kórsetýdi kózdeıdi. Ol «Zeket» qory arqyly aýdarylatyn bolady. Qarjy 14 mamyr qoldaryna tıedi. Al gýmanıtarlyq kólik tıelgen kólik Túrkistan oblysyna erteń jetedi.

– Bul búkil qazaqtyń basyna kelip turǵan synaq. Osyndaı jaǵdaıda biz birimizdiń janymyzdan tabylýymyz kerek. Paıǵambarymyz hadısinde: «Kimde kim qıyn jaǵdaıda óziniń baýyrynyń janynan tabylyp, oǵan kómektesetin bolsa, Alla Taǵala qamqorlyq tanytady», – dep aıtady. Mine, sondyqtan Qazaqstan musylmandary dinı basqarmasynyń tóraǵasy bas múftı Naýryzbaı qajy Taǵanulynyń bastamasymen qazir respýblıkada arnaıy Maqtaaraldaǵy bizdiń baýyrlarymyzǵa kómek  jınalyp jatyr,  – dedi Almaty qalasy Ortalyq meshittiń bas ımamy Erkinbek SHOQAI.