Infeksıaǵa qarsy ashylǵan stasıonarlarda 112 naýqas emdelip jatyr

Bul týraly qoǵamdyq komýnıkasıa ortalyǵynda ótken brıfıńte Mańǵystaý oblysy densaýlyq saqtaý basqarmasynyń basshysy Jamal Jamanbaeva málimdedi.

Búgingi tańda óńirde ınfeksıaǵa qarsy ashylǵan stasıonarlarda 112 naýqas emdelip jatyr. Onyń ishinde 1 júkti áıel jáne 28 bala bar. Naýqastardyń jaǵdaıyna toqtalatyn bolsaq:

82 – naýqastyń jaǵdaılary qanaǵattanarlyq;

26 – ortasha aýyrlyqta;

3 – jaǵdaılary qalypty aýyr dep baǵalanýda;

16 – jazylyp shyqqandar.

Qazirgi tańda Aqtaý, Jańaózen qalalary men Beıneý, Túpqaraǵan, Mańǵystaý aýdandarynda ınfeksıalyq bólimder ashyldy. Provızorlyq stasıonarlar barlyq eldi mekenderde ashyldy. Sonyń ishinde, barlyq medısınalyq uıymdarda provızorlyq fıltrler ashyldy. Sondaı-aq, observasıalyq, karantındik stasıonarlar ashyldy.

Koronavırýs indetin juqtyrǵan naýqastar arasynda bala sany 29.

KVI indeti boıynsha qyzmetke jumyldyrylǵan medısınalyq qyzmetkerlerge jaǵdaı jasaý úshin, sonymen qatar medısınalyq qyzmetkerlerdiń otbasy múshelerimen baılanysta bolmaýyn qamtamasyz etý maqsatynda, medqyzmetkerler qonaq úılermen jáne tegin tamaqpen qamtamasyz etilgen.

«SOVID-19 koronovırýsymen kúres sheńberinde epıdemıaǵa qarsy is-sharalarǵa tartylǵan densaýlyq saqtaý uıymdarynyń jumyskerlerin qarjylyq qoldaýdyń keıbir máseleleri týraly» Qazaqstan Respýblıkasy Densaýlyq saqtaý mınıstriniń 2020 jylǵy 4 sáýirdegi № 28/2020 buıryǵyna sáıkes, respýblıkalyq búdjetten SOVID-19 indetimen kúresý sheńberinde epıdemıaǵa qarsy is-sharalarǵa qatysatyn densaýlyq saqtaý uıymdary qyzmetkerleri men táýekel toptarynyń jalaqylaryna ústemaqy taǵaıyndaldy:

 1 aıǵa (naýryz) - 354 qyzmetkerge berildi;

 2 aıǵa (sáýir)  - 1101 qyzmetkerge  beriledi.

Sondaı-aq, oblys ákiminiń tapsyrmasymen qosymsha jergilikti búdjetten oblystyq jedel járdem stansıa qyzmetkerlerine  sáýir aıynda birrettik  eki aılyq ústemaqy tólendi.