119 myń almatylyq komýnaldyq shyǵyndarǵa ótemaqy alýǵa quqyly. Bul týraly Almaty qalasy energotıimdilik jáne ınfraqurylymdyq damý basqarmasynyń basshysy Áset Masabaev aıtty.

Esterińizge sala keteıik, aǵymdaǵy jyldyń 18 sáýiri kúni QR Indýstrıa jáne ınfraqurylymdyq damý mınıstrligi Komýnaldyq qyzmet kórsetýshilerge shyǵyndardy óteý erejesin bekitken bolatyn.

22 sáýirde Energotıimdilik jáne ınfraqurylymdyq damý basqarmasy halyqtan komýnaldyq qyzmetterdiń shyǵynyn 15 myń teńgeden óteý boıynsha ótinishterdi qabyldaıtyn baılanys ortalyǵyn uıymdastyrdy.

Buǵan deıin qoldanylyp kelgen erejelerge sáıkes ótinish bildirgen jáne jeke shoty bar tómendegi sanattaǵy adamdarǵa kómek berilip kelgen bolatyn:
– 1-shi, 2-shi, 3-shi toptaǵy múgedekter;
– múgedek balalardy tárbıelep otyrǵan otbasylar;
– kóp balaly otbasylar;
– Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdar;
– memlekettik nemese qoǵamdyq mindetterdi oryndaý, áskerı qyzmet atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý, quqyqtyq tártipti qorǵaý kezinde qaza tapqan adamdardyń otbasylary;
– eń tómengi jáne odan tómen zeınetaqy alatyn jalǵyz basty zeınetkerler;
– ataýly áleýmettik kómek alatyn azamattar.

Eskerte ketsek, atalǵan sanattarǵa jatatyn adamdardyń tizimin Áleýmettik ál-aýqat basqarmasy daıyndady.

Al 10 mamyr kúngi jaǵdaı boıynsha Áleýmettik ál-aýqat basqarmasy komýnaldyq qyzmetter boıynsha shyǵyndardyń ótelýine quqyǵy bar adamdardyń sanyn 62 myńnan 119 myńǵa deıin arttyrdy.

Ótinishterdi qabyldaý barysynda birqatar problemalyq suraqtar týyndaǵan. Máselen, halyqtyń áleýmettik jaǵynan osal toptaryna jatatyn kóptegen qala turǵyndary jeke esep shottaryn ózine emes, otbasy músheleriniń birine rásimdegen. Osyǵan baılanysty, óńirler men Almaty qalasy Erejege jeke shot otbasy músheleriniń birine rásimdelgen kezde shyǵyndardyń ótelý múmkindigine qatysty ózgerister engizý boıynsha usynystar berdi. Ony Indýstrıa mınıstrligi tolyq kólemde qoldap, 2020 jylǵy 10 mamyrda ózgerister engizdi.

– Komýnaldyq qyzmetti paıdalaný boıynsha ótemaqyny alýǵa ózine esepshot ashylmaǵan jaǵdaıda ózi turatyn nemese muqtaj adamdarmen birge turatyn otbasy múshelerinde esepshot bolsa, 15 myń teńgeni soǵan jiberetin boldyq. Osy oraıda 341-05-27, 377-74-44 nómirleri boıynsha habarlasyp, óziniń tıisti sanattaǵy adam ekendigin aıtyp jáne kimge esep shottyń ashylǵanyn aıtsa, biz aqshany birden aýdaramyz. Bul jerde bir aıta ketetini, "Neke jáne otbasy" týraly kodekstiń 1-tarmaqshasyna sáıkes otbasy múshelerine kim jatady: erli-zaıyptylar, ata-analar jáne balalar. Biz keshe adamdarǵa qıyndyq týǵyzbaý maqsatynda sheshim qabyldadyq. Joǵaryda atalǵan sanatqa kiretin azamattar bizdiń ortalyqqa habarlasyp, ózi jaıly aqparat berip, qaı esepshotqa aqsha jiberý kerektigin eskerter bolsa, biz ony aryz túrinde qabyldaımyz. Iaǵnı ol kisiniń sanatyn ǵana rastaımyz, al qalǵan aqparatqa, ıaǵnı zań aıasynda týyndaıtyn jaýapkershilikti rastap otyrǵan kisi óz moınyna alady, – dedi Áset Masabaev.

Basqarma basshysynyń aıtýynsha, osy ýaqytqa deıin komýnaldyq qyzmet úshin 15 myń teńge alýǵa ortalyq nómirlerine 158 620 adam habarlasqan. Onyń ishinde 20 449 adamnyń áleýmettik mártebesi ǵana rastalǵan. «Qalǵan azamattar halyqtyń áleýmettik osal toby sanatyna kirmegendikten, olarǵa bul kómek kórsetilmeıdi» degendi basqarma basshysy erekshe eskertip aıtty.

– Komısıanyń sheshimine sáıkes komýnaldyq menshik boıynsha kómek sáýir jáne mamyr aılary úshin beriledi. Iaǵnı, sáýir aıy úshin járdemaqy mamyr aıynda berilse, mamyr aıy úshin maýsym aıynda beriledi. Eger siz muqtaj topqa jatatyn adamdardyń qatarynan bolyp, osy kómekti alý úshin mamyr ne maýsym aılarynda da habarlassańyz, kómek ala alasyz, ýaqyttan keshikpeısiz, – dedi Áset Masabaev.

Aıta keteıik, koll-ortalyqqa júginer bolsańyz ózińizdiń JSN men sanatyńyzdy jáne jeke shotty aıtý qajet.

Turǵyndardan komýnaldyq qyzmet shyǵyndaryn 15 myń teńgeden óteý boıynsha ótinimderdi qabyldaý boıynsha baılanys ortalyǵyna tómendegi telef