Parlament Májilisiniń depýtaty Meıram Begentaev qysqasha úzilisten keıin Qazaqstannyń sheksiz dalasyn jyljymaly úıimen aralaýdy jalǵastyrdy. Ol óziniń saparynda kórgen kórinisterin Facebook jelisindegi paraqshasyna jazady, sol jerde óz tolǵanysymen bólisedi. Mysaly, depýtatty joldardyń sapasy, kempıngke jasalǵan jaǵdaılardyń nasharlyǵy men ádemi jerlerdegi tolyp jatqan qoqys tolǵandyrady, - degen. Bul týraly "Qamshy" aqparattyq portaly Tengrinews.kz saıytyna silteme jasaı otyryp habarlaıdy.
«Avtosaıahatty jalǵastyra kele, keshe Qaraǵandyǵa attandyq, sodan keıin Balqashqa tarttyq. Balalar jolda birden uıyqtap qaldy. Tańerteń erte saǵat 06.00-de shyqsaq ta, tas jolda kólik kóp. Joldyń qarsy baǵytyna shyǵatyn jergilikti kólikter jeterlik. Joldyń boıy júk kólikterge toly. Munyń eki sebebi bolýy múmkin: jol jabyndysy sapasyz nemese kólik ınspeksıasy baıqamaı 25 tonnaǵa artyq tıelgen qytaıdyń 40 tonnalyq kólikterin tas jolǵa jibergen. Meniń bilýimshe, olar karerlerde jumys isteýge arnalǵan. Biz joldar kótermeıtin júkterdi tas joldar arqyly tasymaldap, óz qudyǵymyzǵa ózimiz túkiremiz. Bir qolymyzben jasap, ekinshi qolymyzben búldiremiz", - dep óz oıymen bólisti Begentaev jáne óz tolǵanysyn sýretimen túıindedi.
Meıram Begentaevtyń Facebook jelisindegi paraqshasynan alynǵan sýret
"Jol boıynda kólik júrgizip kele jatqanda san oılar mazalaıdy. Sol boıda men mynany oıladym jol degenimiz kez-kelgen memlekettiń kúretamyry. Biz jolda bir-birimizge júrgizýshilik dástúrmen kómegimizdi kórsetemiz, jolda MAI qyzmetkerleri tursa, bir - birimizge eskertýge tyrysamyz. Biraq bul ózara kómek pe? Jaqynda bir oqıǵanyń kýási boldym, bir bedeldi adam jyldamdyqty asyrǵany úshin ustalǵan balasyn aqtap alypty. Eń soraqysy, jigit bosap shyqqannan keıin, 20 mınýt ótkende jol apatyna túsken. Aıtýynsha, ákesi balasyn óz qolymmen óltirdim dep ózin jazǵyrady eken. Sondyqtan joldaǵy kezekti bir majordy kórip, ata-anasyna janym ashyp ketti", - dep jazdy depýtat óziniń paraqshasynda.
Meıram Begentaevtyń Facebook jelisindegi paraqshasynan alynǵan sýret
Odan ári ol demalys oryndaryndaǵy qoqystardyń máselesi jónindn sóz qozǵady.
"Biz Balqash kóline qaraı jol tarttyq! Demalysymyz tóńirekti tazartýdan bastaldy. Qasymyzda demalyp jatqandardyń qoldaý kórsetkenin aıta ketýdiń ózi jaǵymdy (tipti úlken qyzym aınalany tazartty, biz olarǵa osylaısha úlgi bolǵan shyǵarmyz?)", - deıdi Begentaev.
Depýtat Chelábınskten kelgen týrısermen Balqashta jolyǵypty:
"Shaıandardy ustaǵansha áńgimelesýdiń sáti tústi. Týrsıster ol jerde úsh kún boıy turyp jatqan eken. Basynda olar demalys oryndarynyń birine toqtapty, al kelesi kúni ol jerden ketip qalǵan. Sonymen qatar, Balqash jaǵalaýynda olar da aınalany qoqystan uzaq tazartqan. Olardyń altaýy eresek adamdar jáne tórt bala bar (úsh otbasy - úsh baýyr jubaılarymen jáne balalarymen). Aıtýlarynsha, jaǵalaýdan syranyń júz shólmegin terip alypty, olar bir qarýdan atylǵan eken (jaǵajaıdaǵy qoqys tola bolsa, sumdyq qoı!!!) Elim úshin qatty uıaldym, sebebi olar bizdiń elge kelgen qonaq qoı, ony ózderine aıtyp, moıyndadym da. Olar: "Eshteńe etpeıdi, mundaı kóptegen jerde kezdesedi", - dep jaýap beripti. Osylaı dep aıaqtady áńgimesin depýtat.
Eske sala keteıik, depýtat óziniń saıahaty týrasynda 23 shildeden bastap áleýmettik jeli arqyly bólisken. Sodan beri ol barlyq áserimen áleýmettik jeli arqyly bólisip júr.
