Koronavırýstyń taralýy jaǵdaıynda jahandyq ahýaldy baqylaýǵa shamamen bes jyl ýaqyt ketedi. Mundaı boljamdy Financial Times uıymdastyrǵan konferensıada Dúnıejúzilik densaýlyq saqtaý uıymy bas dırektorynyń orynbasary Sýmıa Svamınatan jasady, dep jazady BBC news.
"Aldaǵy 4-5 jylda bizde perspektıvalyq baqylaý bolady dep aıtar edim", deıdi Sýmıa Svamınatan.
Munyń qansha ýaqytqa sozylatyny belgisiz. Sebebi koronavırýstyń áli de taralýyna ártúrli faktorlar áser etedi. Tıimdi vaksına jasalǵan kezde vırýstyń joıylý-joıylmaýy da belgisiz.
Svamınatannyń aıtýynsha, bar úmit vaksınada bolǵanymen, vaksınanyń keri áserin de eskergen jón.
DDU tótenshe jaǵdaı baǵdarlamasynyń jetekshisi Maık Raıan koronavırýs eshqashan joıylmaýy múmkin ekenin aıtty.
– VICH joǵalyp ketken joq. Bul aýrý áli de bar. Biz ony emdeýdiń jáne aldyn-alýdyń joldaryn taptyq. Sondaı-aq adamdar burynǵydaı qoryqpaıdy. VICH juqtyrǵan adamdardyń kópshiligi uzaq jáne saý ómir súredi, – dedi Maık Raıan.
