Almaty qalasy qoǵamdyq densaýlyq saqtaý basqarmasynyń basshysy Tileýhan Ábildaev Almatyda 700 orynǵa arnalǵan jańa ınfeksıalyq gospıtál salynýy múmkin ekendigin málimdedi.

– Bizde 2 ınfeksıalyq stasıonar jumys istep tur. Alaıda ekeýinde de ınfeksıalyq baqylaý talaptaryna sáıkes jeldetý júıesi tolyq jumys istemeıdi. Osyǵan baılanysty qazir qala ákimdigi men qala ákiminiń jeke óziniń tarapynan barlyq talaptarǵa saı keletin 700 oryndyq jańa gospıtál salý týraly shara qabyldanyp jatyr. Bul saýal memleket basshysynyń Almatyǵa sapary barysynda kóterildi. Atalǵan saýal kezeń-kezeńimen sheshimin tabatyn bolady, – dedi Tileýhan Ábildaev.

Basqarma basshysy keńes kezinde salynǵan aýrýhanalardyń barlyǵy derlik talapqa saı emestigin basa aıtty.