Fransıa koronavırýstan keıin álemdegi eń kóp saıahatshy keletin el mártebesin saqtaý úshin 18 mıllıard eýrolyq «Týrızmge arnalǵan Marshall josparyn» jarıalady. Bul týraly Qamshy tilshisi The Daily Telegraph basylymyna silteme jasap habarlaıdy.

Italıa úıde otyrǵandar úshin qarjylyq yntalandyrýǵa jáne eldiń týrısik ındýstrıasyna 4 mıllıard eýro kóleminde qoldaý josparyn usynǵannan keıin kóp ótpeı Fransıa bıligi de osyndaı sheshimin málimdegen. 

Fransıa ótken jyly 90 mıllıonǵa jýyq sheteldik týrıserdi qabyldaǵan, biraq bıyl bastalǵan indettiń aldyn alý úshin eldegi meımanhanalardyń 95 paıyzy naýryz aıynyń ortasynan bastap jabylýǵa májbúr bolǵan.

Fransıa premer-mınıstriniń málimdemesi boıynsha týrızmdy qutqarý jónindegi sharalar qarjysy «jappaı jáne buryn-sońdy bolmaǵan» 18 mıllıard eýrony quraıdy, oǵan memlekettik bankter úshin bızneske tikeleı qolma-qol aqsha salýǵa arnalǵan 1,3 mıllıard eýro ınvestısıalyq jospary kirdi.

Jospar boıynsha Týrızm, qonaq úı jáne meıramhana sektory úshin 20-ǵa deıin qyzmetkeri bar jáne jyldyq kirisi 2 mıllıon eýrony quraıtyn kásiporyndar jyl sońyna deıin yntymaqtasý qorynyń kómegimen 10 000 eýroǵa deıingi granttar ala alady.